المحطة جريدة إليكترونية شاملة
كتبت علياء إبراهيم
لما تخلصي شغل المطبخ أعملى بخاخه فيها (نص كوب صابون سايل بتاع غسيل الاطباق + نص كوب خل + ٣ ملاعق كربونات صوديوم) وامسحى بيه دواليب المطبخ أول بأول هيبقى مطبخك زى الفل
لما تقطفى الملوخية خدى حتة من العرش معاكى وزى ما تفقنا سيبى الباب موارب وتبقى رشى عليها رشة بيكنج بودر بتخليها ما تسودش
لما تعجنى رقاق حطى ع الدقيق معلقة بيكنج بودر بيخلية هش ومش معجن
لما تيجى تحشى ممبار هاتى زجاجة مياة صغيرة وقصى بوزها من قدام واحشى بية هتحشى الممبار فى وقت قياسى ولما تيجى تسوية يغلى غلوة واحدة ووطى علية النار عشان ما يفرقعش
لما تعملى عيش الحواوشى تبقى قطعى ورقة نعناع على الخلطة بتعمل نكهه حلوة اوووى
ما تحطيش الملح ع السلطة غير ع التقديم ويسلام لو رشة خل وفص توم
شوية نظافة
وانتى بتاخدى شاور ادعكى الحمام معاكى بالمرة
وانتى بتتوضى اغسلى الحوض معاكى هيبقى فلة
لمى الملابس بتاعتك وبتوع ولادك واغسليهم يوم بيوم
جهزى بخاخة فيها دوا نمل ورشى أول بأول قبل مايتكاثر يتكون من نص كوب خل تفاح وربع كوب ميه
حضرى باسكت فاضى للعب العيال وزينية وعلميهم يلموا اللعب لما يخلصوا وشجعيهم على كده
ما تنسيش نفسك فى زحمة اليوم خلى لنفسك وقت دلعى نفسك فية ممكن تعملى شعرك حنه وحمام كريمه وأنتى بتروقى شقتك عشان ماتضيعيش وقت
فى معطر بيتباع للبيت ورشيه على السجاد والستاير بيعمل ريحه حلوه فى البيت عشان بيتك تبقى ريحته مميزه وسعره فى حدود٢٠ جنيه بس
قبل اما تنامى روقى شقتك وشطبى مطبخك وعود بخور كدة فى البيت مع شوية قرآن واقرئى ورد من القرآن مع اطفالك ياااااة ع الراحة النفسية
