المحطة جريدة إليكترونية شاملة
كتب- محمد السمان:
تعالوا معايا نعرف مع بعض
ازاي تتعامل مع شخص مؤذي ومتلاعب وخارب عليك حياتك
ويمكن عنده ميول نرجسيه ومش عارف تحط له حدود
بص بقي يا سيدي
انت محتاج تنشف شويه وتاخد قرار حتي ولو كان صعب شويه
لانك ببساطه في موثف له ثلاث مخارج بس ايه هما
اولهما المراجهة
ثانيا السكوت
ثالثا التجنب او الرحيل
واحسن حل لك هي التجنب او الرحيل حد هيقول اصل دول اهلي لو الموضع مع الاهل او دا مديري ومقدرش اسيب الشغل حلو كدا وانا معاكم في اللي انت قولته
تعالي نمشي ورا كل حل من دول
لو سكت وكملت هتتاذي نفسيا جدا جدا مع مرور الوقت ودا هيعود بالسلب علي حياتك وحياة المحيطين بك سواء في العمل او في البيت فانت تقدر تكمل وتمشي حالك وتحاول تتفاهم مع شخص بيسمع ويحس بغلطه أنما شخص متلاعب بميول ترجسيه هيتم استنذافك حتي ولو مش واخد بالك
طيب لو عملت مية راجل في بعض وقلت اواجه هتخلص الخناقة وهتبقي عايز تعيش حياتك واهو موقف وعدي اه الكلام دا عندك انت مش فاضي وعندك مايكفيك من المسئوليات علي اكتافك انما عنده هو لاء طبعا هيكرس من وقته ايام واسابيع علشان يرد لك الصاع صاعين لمجرد انك احرجته وواجهته وهتبقي انت شغلته هيستفزك علشان يطلع منك باي رد فعل ويا سلام لو اتعصبت هينبسط جدا ممكن يتم تشويه سمعتك لو اهلك هتبقي انت الابن العاق لو مديرك هيؤذيك في شغلك ويستغل سلطته عليك وانت ولا فاضي ولا عندك طاقة لكل دا محدش يعرف يجاري النرجسي دا فاضي
نيجي لاخر حل ما لا تتفاعل معه تجاهل وجوده تمام كدا كدا هيحصل منه رد فعل عند التجاهل هيعمل شويه زي الاطفال اللي عايزين اهتمام هيرفص شويه يعيط شويه يزعق شويه وبعدها كل الدوشه دي هتهدي خالص لما يتأكد تماما ان مفيش منك رد فعل يقدر يتسلي عليه طيب لو لسه حاطك في دماغه هنا نرجع لاول الكلام
لازم تنشف وتاخد قرار علشان نفسك وتتجنب وتمشي وما تتعاملش كتير او ياريت تمنع خالص غير المكان كله قلل التعرض دا حياته كلها صراعات ومحدش فاضي
