المحطة جريدة إليكترونية شاملة
كتبت – فاطمة السيد :
طالبت الفنانة لقاء الخميسي جمهورها باحترام آرائها وأفكارها مشيرة إلى أن كل فرد لها ثقافته ومعتقداته الشخصية ولا بد احترامها أورفضها دون الهجوم وقالت لقاء خلال فيديو عبر حسابها الشخصي بموقع تبادل الصور والفيديوهات إنستجرام : “رجاء من كل الناس اللي بتتابع السوشيال ميديا اللي بيحب حد يدخل عنده ويقوله كلمتين حلوين أو يصمت مبتحبش متقولش ممكن نختلف في الأراء لكن لازم نتعلم إزاي نحترم الاختلاف “
وأضافت : “ياريت نبطل نهين بعض ونرفض أفكار بعض كل واحد زي ما تربى وكل واحد وثقافته وكل شخص ليه تفاصيله ومعتقداته وأفكاره وثقافته فلازم نحترم بعض على قد ما نقدر ولا يصح أن أهاجم حضرتك الحاجة بقت تزهق بصراحة “
وتابعت : “الممثل عنده نفس التفاصيل اللي بتمر بيها أزمات نفسية ومادية وعائلية ومشاكل ومنحبش نوريكوا مشاكلنا أحنا موجودين في الدنيا علشان خاطر نبسطكم ونفرحكم ونقدملكم محتوى يغير مودكم “
واختتمت : “أحنا بنيجي على نفسنا علشان نبسطكم وبنحب شغلتنا وبنحبكم فرجاءً حبونا شوية وادونا هوا وشوفونا بني آدمين طبيعين عندنا مشاكل وصدقوني مفيش حد في العالم معندوش مشاكل كل واحد ربنا بيديله على قد قدراته الرحمة حلوة ياجماعة “.
