بقلم سلوي محسن
أغلبنا لما بنوصل للحظة الإنهيار التام علي المستوي النفسي في الغالب دا مش بيكون بسبب حاجه كبيرة حصلت بل ممكن علي العكس الإنهيار دا ممكن يجي بسبب موقف صغير أو كلمة جارحه أو إنتظار لشئ متوقع من شخص ما ومبيحصلش..
التفاصيل الصغيرة للأسف هي العامل الأساسي للإنهيار
إحنا ممكن نصبر ونضغط علي نفسنا ونتحمل كتير وف لحظة ننهار والدنيا تسود قدمنا..
متحكموش علي بعض بحجم الموقف أو شدة المصيبة..
إحنا مش شبة بعض وقوة تحملنا مش واحدة
إللي إنت ممكن تتحمله وتعدية وتكمل غيرك بيحسه هم تقيل ضاغط علي قلبه وروحه..
وبلاش كلمة دي حاجه بسيطة أو الموضوع مش مستاهل أنت مكبر الدنيا لحظات الضعف بتيجي في أوقات ومواقف غير متوقعة..
بلاش تقلل من وجع غيرك وتستهين بيه..
لو مش قادر تفهم وتستوعب وتحس وتحتوي ف بلاش تلوم علي حزن وتعب أنت مش قادر تستوعب حجمه عند غيرك..
أحيانا تقتلنا التفاصيل الصغيرة مفيش حد بيستحمل التقليل من الموقف والتأنيب وهو بيتألم نراعي إننا مختلفين بلاش نوجع بعض وإحنا بنحاول نداوي…