google-site-verification=e2DmWX0gwfReVFQpzcu4ly1zLPF-RUvuc6uHqoZo_ik

يرحم زمان وليالي زمان …….نور الشريف عن عبد الرحمن الأبنودي

كتب – محمد السمان :

نور الشريف _ عبد الرحمن الأبنودي بالنسبالي أنا ليه مستويات كتير ف حياتي ، أنا جزء كبير من تكويني ك فنان وإنسان ومواطن عربي يعود للأبنودي ..

أنا بعتقد إن جيل الفنانين اللي إتولدوا مع ثــ ــورة ٢٣ يولية كان ليهم تأثير جبار جدا في تكوين جيل عام وكامل من الشباب في جميع أنحاء العالم العربي مش بس ف مصر .. وأعتقد إن الأبنودي كان ليه دور جبار ف دة سواء الأغاني العاطفية أو الأغاني الوطنية ..

أنا بشوف إن الأبنودي هو نجيب محفوظ في عالم الشعر ..
الأبنودي واحد من عمالقة الشعر العامية ف الكرة الأرضية مش ف مصر بس ، الأبنودي يملك البساطة ف الصياغة اللي تخليه يوصل لأكبر عدد من الناس .. يعني أغانيه الوطنية والعاطفية لا يمكن نسيانها ..

أنا بتمني مطربين الأيام دي يسمعوا الأغاني الصعيدي اللي عملها عبد الرحمن الأبنودي ل عبد الحليم حافظ وهيلاقوها قابلة للتوزيع السريع وهتبقي أنجح من أي أغنية بيعملوها النهاردة ..
يبقي شيئ خاص بيا أنا جدا لأن أنا كنت لسة في بداية الطريق ، “شيئ من الخــ ــوف” .. من أهم الأفلام في تاريخ السينما المصرية علي الإطلاق .. كنت وقتها بشتغل مع المخرج حسين كمال تمثيلية تلت ساعة للتليفزيون .. ف كان من حسن حظي إني بحضر التصوير ف أستوديو الأهرام مع حسين كمال علشان أتعلم من الأساتذة الكبار ، أثناء تصوير التترات وتسجيل الأغاني .. قد كدة الأبنودي بيصيغ معاني صعبة جبارة في كلام بسيط جدا ، أرجوكوا لما يتذاع الفيلم شوفوا الكلام اللي قاله الأبنودي .. مثلا “ف الدهاشنة ظل مطرح ما يحل”

الأغنية الساحرة بتاعة شادية لما بتتكلم عن طفولة محمود مرسي .. بتاعة “يا عيني يا عيني علي الولد” ..
إلي أن جت أغنية النــ ــكــ ــسة وأنا بشوف إنها شيئ عبقري .. أغنية “عدي النهار” ..

لا يوجد صياغة للتعبير عن النــ ــكــ ــسة قد كلمات الأبنودي اللي تم تحويلها لأغنية أنا ف رأيي إنها عبقرية وستبقي أمام الزمن للتعبير عن الإنهــ ــزام .

عن admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *