أبوك وأمك

بقلم- محمد عناني

ياللي الحياه غرتك

حتي نسيت إسمك

وياالشيطان غِيتك

صَبح رفيق دربك

بقا العقوق شُغلِتك

والغدر من طبعك

المال صبح قِصتك

هدفك وفيه طمعك

لمين أساس دنيتك

ومين دا شَاَل همك

ولمين قلوب حبتك

سعادتها في فرحك

وكمان نسيت نبتك

جنين في بطن أمك

تسع شهور شالتك

وداقت مرار حملك

غير وإنت في لفتك

دفا حضنها ضمك

ولما حانت لحظتك

عانت آلام وضعك

ولما تكبر حضرتك

ليه بس زاد غدرك

بانت كمان قسوتك

ولا أى شىء همك

فينها راحت نخوتك

ونسيت أبوك وأمك

حذارى تنسا آخرتك

يوم الحساب وحدك

فهناك تكون وقفتك

وما بين إيدين ربك

لو تفوق من غفلتك

مع توبه من ذنبك

ويا ندم على فعلتك

تطلب رضاه ربك

واللي معاهم جنتك

برضا أبوك وأمك