المحطة جريدة إليكترونية شاملة
كتبت – فاطمة السيد :
فاجئ الفنان تامر حسني جمهوره بتوجيه بعض النصائح والكشف عن دراسته لعلم النفس وبعض العلوم الأخرى خلال الفترة الماضية وكتب تامر منشور عبر حسابه الرسمي على موقع التواصل الاجتماعي فيس بوك قائلًا :“صباح الفل على أحلى ناس في الحقيقة أنا بقالي سنه مركز جدًا وبدرس بعض العلوم منها علم النفس وعلوم أخرى ،المهم أنا عارف إن كتير منا جواهم عادة سيئة أو ذنب مواظب عليه أو طريقة حياة مضايقاه بشكل عام أو قرار مش عارف ياخده زي يبطل حاجة، يخس، يتخن ، في النهاية إحنا هنقف قدام قرار صارم خد قرار صارم،حط حاجة مفيدة تشغلك وقتك متسيبش نفسك للفراغ أبدًا “
وواصل بتوجيه نصائحه لجمهوره قائلًا :“المهم أوي بقى عدد الأيام اللي الإنسان بيحتاجها للتغيير باستثناء إن في ناس بيقاوموا عادات لسنين عشان دا زي ما بقول إنه نسبي، العلم أثبت بالتجارب أن الناس أكيد بينهم تفاوت نسبي حسب ظروفهم ومعيشتهم واللي اتعودوا عليه طول حياتهم في ناس عشان تبطل شيء أو تواظب على شيء هتحتاج 18 يوم وفي ناس 66 يوم يعني لو أنت جيت عند اليوم الـ 18 لقيت نفسك لسه مش قادر لازم تكمل عشان كده معناه أنك من الناس اللي هتحتاج الـ 66 يوم ويعني مش هيضر لو حسيت أنك محتاج شوية وقت كمان كمل شويه كمان بس متضيعش مجهودك اللي فات يا بطل”
وأختتم: “ساعتها هتبقى فخور بنفسك وروحك المعنوية في السما هتلاقي نفسك أقوى وتفكيرك أجمل بكتير فهتقدر تكمل وأنت مبسوط إن شاء الله يلا نبدأ حالًا على نهار ربنا الجميل”.
