عمرو وهبة: ما عملتش فرح علشان الناس ما تجيش تاكل

كتبت – فاطمة السيد :

قال الفنان عمرو وهبة : “اتجوزت في 2010 ووقتها اتفقت أنا ومراتي إننا نعمل فرح ودفعنا عربون الفرح في مكان مفتوح وبعدين قعدنا نفكر الفلوس اللي معانا نعمل بيها الفرح أو نسافر ونقضي بيها شهر العسل خارج مصر ،مراتي كان عندها أحلام البنات تلبس فستان ونتصور ونعمل فرح فقلت لها لو أنتِ عايزة الصورتين هنتصور والفلوس دي نتبسط بيها أسبوع برة مصر بدل ما الناس تيجي تاكل ساعتين وما حدش بيعجبه العجب من الأكل فاتصورنا بملابس العرسان”

وتابع : “اتجوزنا بدري ومعملتش فرح وخبينا صور الفرح ودفناها لأنها آخر تهزيق وكان شكلها مش لطيف خالص وكان شكلنا صغير والبواب في البيت اللي كنا عايشين فيه كان مفكرنا إننا إخوات والصنايعية وأحنا بنفرش كان بيقولوا لي خلي أختك تعملنا شاي لإننا كنا وقتها أطفال أوي”.