المحطة جريدة إليكترونية شاملة
أصنع المحبة و السلام
بالفعل و مش بالكلام
الله محبة الله محبة
مش كلمة و السلام
المحبة أساس الأديان
دى من وصايا الديان
خليها دايما فى قلبك
فى كل مكان و أوان
شجر المحبة كنوز
أرزعه و أنت تفوز
عمره أبدا ما يدبل
ولا بيكون عجوز
شجر المحبة غالى
مروى من الأعالى
فروعه مش بتميل
دى دايما فى العلالى
أرزعها فى أى أرض
هتلاقيها بتطرح ورد
لا بتعرف أبدا شوك
ولا عمرها تجرح حد
عيون المحبة و السلام
لا بتغفل ولا بتناااااااام
دايما بتحمى صاحبها
طول العمر و الأيام
أزرع السلام جواك
هتلاقيه دايما وياك
حارسك صاينك
من أى شر و هلاك
هيبعد عنك أيها شر
نافع دايما عمره ما ضر
خليه دايما بالنسبالك
شط و مينا و مرسى و بر
كلمات : محمد فتحى
