المحطة جريدة إليكترونية شاملة
كل التقدير و الاحترام لكل السادة زملائى العاملين فى مجال الصحافة و الاعلام انا اشتغلت فى مجال الصحافة منذ عام 2004 و تتلمذت على يد اساتذة فى هذه المهنة منهم الأستاذ هانى ابوزيد الذى علمنى اصول الكتابة و انا اجل له كل التقدير و الاحترام مع كامل احترامى لكل أساتذتى الاكبر منى سنا و الاكثر مني خبرة
المهم طبعا فى مهنة البحث عن المتاعب او مهنة البحث عن الحقيقة انا عن نفسي كتبت تحقيقات كتير جدا و اتعرضت للعديد من قضايا السب القذف لأنى كنت جديد فى الصحافة و نشيط و عايز اثبت وجودى فى هذا المجال
وقعت فى حزمة مشاكل بسبب عدم التأكد من المعلومة كاملة بمعنى ” مش اى حد يجيلي و يقولى كلام مرسل من غير اى مستندات يبقى مصدق ”
طبعا وقعت فى اكتر من 5 قضايا سب و قذف منها المحافظ السابق اللواء سيف جلال 2008 و اتحبست لـ فترات
و لكن ربنا سترها معايا وو قعت فى قضية ضد مدير عام كهرباء السويس و دافع عنى المستشار الجليل و الفقيه الأستاذ خالد عبد الستار المحامى و اخدت براءة فى قضية كنت متهم فيها انا و استاذى العظيم مجدى اسماعيل الصحفى و لا انسى اصدقائي الغاليين من وقفوا بجوارى فى قضيتان سب و قذف المستشار ايمن عبد اللطيف المحامى بالاستئناف و ابن خالى المستشار مصطفى سعيد المحامى على الرغم كان فى بعض القضايا بمستنداتو غير كان عن طريق كلام مرسل من غير اى مستند
لكن اتعلمت الدرس كويس جدا انى مكتبش تحقيق صحفى الا بمستندات .. لكن الكلام المرسل و الكتابة دون مستندات فيها قصية سب و قذف و سجن و الغرامة
و اسف للاطالة انا بس حبيت انبه المحترمين فى مجال الصحافة و الاعلام و عن تجربة حقيقة حصلتلى شخصيا
