المحطة جريدة إليكترونية شاملة
بقلم علا وحيد
انت عارف انك ممكن تعيش حياتك كلها بحسن نيه، واللي قدامك بيبين انه خايف على مصلحتك بس للاسف هو كل اللي عايزه انه يشوفك بتتعذب.. ومش مرتاح.. ومن غير سبب.. ومن غير ما تعمله حاجه…
بس المهم متبقاش مرتاح.. حتى لو بتعمل حاجه بسيطه.. يعني ممكن حد يقولك باب الشارع اللي ورا مقفول وعشان نروح للشارع دا.. لازم ننزل من على الشجره عشان ندخل الشارع.. وتفضل طول عمرك عمال تطلع وتنزل من على الشجره وتيجي صدفه تخليك تعرف ان الباب مفتوح ومفتوح بسهوله… تروح تسأله انت عارف ان الباب فتح.. يقولك بجد، طب ياعم انت مشيت ورايا ليه، مش كنت تتأكد…ومش بس كده لو قلبك فعلا مش مريحك بوجود شخص حواليك اعمل مجهود عشان تعرف احساسك دا ايه واكيد هتعرف… حتى اللي بيحب ممكن يبقى بيحبك لمصلحه..ويمكن مشيلك ليلته عشان تساعده وعدم وجودك هيلخبط حساباته… وانك مكسب ليه بس هو خساره ليك.. واهدار طاقه وصحه.. الخلاصه اتأكدو من اي حاجه حواليكم عشان متبقوش بضيعو عمركم وخلاص.. ومتفكروش بسذاجه.. ان فلان دا هيكدب ليه.. في حاجه بسيطه زي كده… قلتلك مش لازم يبقى بتضلل لسبب انت عارفه.. ممكن تبقى شايل عنه حاجه… حمل.. هم… ممكن يكون بياخد حاجه منك وخايف انها تضيع… عارف مثلا انك لوشغلت مخك هتبقى فحته تانيه ومش عايزك احسن منه… و ممكن عايزك تتعب وتخلص كل طاقتك على الفاضي…ركزو في نفوس مريضه حوالينا كتير.. بتضيع من حياتنا… ومتقولش دا كان شكله غلبان وطيب… ماهو اكيد مش هيتحولك دراكولا عشان تفهم… افهمو الناس من المواقف
دمتم في امان الله
