المحطة جريدة إليكترونية شاملة
كتبت :مروة امين
المقادير
٦اكواب من الدقيق
معلقتين وربع من الخميرة الفورية
٢كوب من اللبن الدافئ
نصف كوب من الزبدة
ذرة ملح
نصف كوب من السكر
للحشو م ك من القرفة _نص كوب من السكر _معلقتين من الزبدة .
للصوص :٦مكعبات من الجبنه الكيري _كوب من السكر البودر_فانيليا _معلقتين من اللبن _معلقتين من الزبدة المذابة
الطريقة:
ف بولة هنحط اللبن مع الخميرة مع الزبدة والسكر ونسيبهم علي جنب يخمروا
بعد التخمير هنضيف اربع اكواب من الدقيق ونعجن كويس هتكون معانا عجينه لينه شوية ونسيبها تخمر
بعدها هنضيف الباقي من الدقيق ونعجن كويس وكدة العجينة جاهزة معانا هنفردها بالنشابة سمك ٢سم وهنضيف حشوة القرفة السابق زكرها وهنلفها رول وهنقطعها ونحطها ف بايركس مدهون زبدة وعال فرن اعلي درجة حراره
الصوص :
في بولة هنحط مكعبات الكيري بدرجة حرارة الغرفة
والزبدة واللبن والفانيليا والسكر البودر وهنضربهم مع بعض وممكن نستخدم الخلاط لعمل الصوص
بعد مالسينابون يطلع هنضيف الصوص ونزين بصوص الشوكلاتة او الكراميل حسب الرغبة .
