google-site-verification=e2DmWX0gwfReVFQpzcu4ly1zLPF-RUvuc6uHqoZo_ik

آخر الليل

قلم / سحر أبوالعلا
آخر الليل دخلت اوضتها
حضنت مخدتها
ونزلت غصب عنها دمعتها
اصلها حست روحها مخنوقة
قامت وقفت ادام مرايتها
شافت واحدة متعرفهاش
يمكن تكون تشبه ملامحها
واحدة باين عليها حزنها
ملامحها اكبر من سنها
بصت وسألتها انتي مين
ردت عليها قالتلها
أنا الحقيقه المؤلمه
أنا السنين اللي ضاعت
وأنا الضحكه اللي تاهت
أنا اللي جواكي ماتت
أنا اللي انتي بتحاولي منها تهربي
وتمثلي دور السعيدة وتضحكي
وتعدي يومك وييجي ليلك لحضني ترجعي.
انا الوحيدة اللي بشوف دموعك
ومهما بعدتي عني بتقربي.
انا انتي مهما حاولتي منّي تتنكرّي.
سحر أبوالعلا
#السلطانة

عن admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *