google-site-verification=e2DmWX0gwfReVFQpzcu4ly1zLPF-RUvuc6uHqoZo_ik

.زي النهاردة.

كتبت سحر أبوالعلا

زي النهاردة

كان أول يوم بعاد

و كل واحد فينا

عمّال يزود في العناد

البعد طال

و الشوق في قلوبنا زاد

و الصبر مر

و كان أمّر من البعاد

و النسيان خاصمنا

و رمانا في بحر الذكريات

و الحنين بقى

ضيف تقيل ليلاتي يزورنا بالساعات

زي النهاردة

كان أول يوم بعاد.

البعد طال

و الساعات صبحت سنة

مين السبب

في البعد كان هو و لا أنا.

خدني الحنين جابني هنا

على أول مكان ضمنا

و لقيته مستني

وكأننا لا ثانية فاتت و لا سنة

مديت ايديا سلمت

و ف حضن ايده استسلمت

و عدى عليا كتير ساعات

اتاريني حاضن في اللي فات

طيفه و شوية ذكريات

زي النهاردة من سنة ….. كان هنا

 

 

عن mostafa kotb

الكاتب الصحفي مصطفى قطب عبد الله صاحب الإمتياز ونائب رئيس مجلس الإدارة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *