google-site-verification=e2DmWX0gwfReVFQpzcu4ly1zLPF-RUvuc6uHqoZo_ik

ليلة القدر وفضلها فهى من أعظم الليالى

بقلم آية أحمد المتبولي

 

انهاردة هتكلم عن ليلة القدر حيث أنها من أفضل الليالي، لها مكانة عظيمة في نفوس المُسلمين لأن من قامها إيمانًا واحتسابًا غفر له ما تقدم من ذنبه.

احنا فى احب الأيام إلى الله العشرة الأواخر من رمضان اللى كان النبى صلى الله عليه وسلم بيصحى فيهم اهله على شان يعبدوا ربنا بكل قوتهم طب تفتكر أن النبى كان بيصحيهم على شان يكدرهم ؟! حاشاه صلى الله عليه وسلم .لكنه كان بيصحيهم لأن ثواب الأيام دى أعظم عند ربنا من العشرين يوم الأولانين من رمضان .فياريت محدش فينا يضيعهم .صلى وادعى من ربنا وبإذن الله هيكرمك فيهم وفى الايام الحلوة دى بيكون فيها ليلة واحدة لو انت عبدت فيها ربنا من كل قلبك، ربنا يهديك ثواب ٨٤ سنه عبادة ؛ الليلة دى هى ليلة القدر ربنا بيقول فيها (لَيْلَةُ الْقَدْرِ خَيْرٌ مِّنْ أَلْفِ شَهْرٍ) طب ليه ليلة القدر اتسمت بهذا الاسم ده ؟

العلماء قالوا لأسباب كتير فيه منهم قال لأن قدرها عظيم جدا عند ربنا والباقى قال إن القرآن اول مانزل نزل فى ليلة القدر وفى منهم اللى قال إن الأقدار بتتغير وبتتبدل وبتنزل فى ليلة القدر وهى بتكون ليلة فرديه ممكن تكون ليلة 21،23،25،27،29 محدش عارف وفى علماء كتير رجحوا أنها ليلة 27 وطبعا الله واعلم .

حاول تعمل حاجتين مهمين فى العشرة الاواخر:

١/قيام الليل لأن النبى صلى الله عليه وسلم بيقول قيام الليل هو شرف المؤمن يعنى ربنا بيعلى من شأن ومقام المؤمن عنده كل ما يقيم الليل

٢/الدعاء لأن ربنا بيقول (تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِمْ مِنْ كُلِّ أَمْرٍ)، يعنى الملائكة بتنزل من السماء مخصوص على شان حاجه واحدة هى أن هما يأمنوا دعوات العباد وتخيل تدعى وتقول يارب اكرمنى والملائكة ترد وتقول آمين.

لسه قدامك فرصة من انهاردة متخليش لسانك يفارق بالدعاء فى الحاجه اللى انت بتتمناها ونفسك تحصلك صلى وادعى، ربنا جميل فى جبره الخواطر واستجابته، جميل جداً جداً فى عوضه ربنا يجعل لينا فيها نصيب من الراحة والمغفرة ويبلغنا ليلة القدر.

عن fatma elsaid

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *