google-site-verification=e2DmWX0gwfReVFQpzcu4ly1zLPF-RUvuc6uHqoZo_ik

بدايتي ٤

بقلم عائشة محمود 

لقت زينه صفحه فاضيه وبعدها قلبت تاني لقت صفحه فاضيه ف استغربت بعدها لقت صفحه مكتوب عليها “هيفضل لقانا ميتنسيش.. هتفضل البدايه حلوه حتى لو مجتيش.. في الحقيقة مش كل ليلى ليها قيس بس لو كل ليلى انتي يبقى هفضل احب كل ليلي” استغربت من الي قراته” هو قصده ايه هي فين البدايه الي اتكلم عنها وليه ساب صفحتين؟ يمكن يكون في حاجه حصلت بعدها” استغربت اكتر لما قلبت لقت ” يومي حلو علشان ابتدي بيكي.. ملامحك تتطمن كل مره بحس بخوف او قلق من اي حاجه بلاقي في ملامحك حاجه تطمني حاجه تحسسني اني مينفعش اخاف طول ما انتي معايا بحس اني مش لوحدي وان كل حاجه هتكون بخير بحب ملامحك حتى وانتي متعصبه.. بحب سمارك.. بحب غمازتك.. بحبك انتي زي ما انتي من غير ما تغيري اي حاجه فيكي ” بدأت زينه تتوه وهي بتقرأ ومبقتش عارفه تجمع او تفهم حاجه من الي بتقراه فقلبت الصفحه لقت مكتوب” كل حاجه بتعدي.. احنا محتاجين شويه وقت في يومنا علشان نفصل علشان نعرف احنا مين علشان نعرف نفسنا اكتر علشان نطمن ان كل حاجه مؤقته وان كل حاجه هتعدي فعلا مافيش وحش بيطول ومافيش حلو دايم وزي ما قالوا زمان دوام الحال من المحال بس هفضل احبك في كل حال…” قلبت زينه الصفحه على أمل انها تقرأ حاجه تعرفها مين الي بيكتب او انها تلاقي حاجه تفهمها وتبعدها عن التوه لقت مكتوب “استثنيتكى فلا ترحلى عنى ” قلبت الصفحه لقت” لا أعصم من الأخطاء وزلات لساني تفصح عن ما خفي مازلتُ مُتيم بكِ رغم بُعدكِ” قلبت الصفحه لقت” لو قابلتك صدفه هقول كل الي شاغلني هقولك إنى مش لاقينى غير وانا جنبك او لمحاكى عنيا، مش حاسس انى احسن حد فى الدنيا إلا وانتى معايا، مش خايف من حمل الدنيا معاكى ولا خايف من هروبي ليكى لأنك مقويانى، لأنك انتي بس قادره تحسسينى إنى ملكت الدنيا بالي فيها رغم إنى مش شايف في الدنيا دي غيرك ببساطه أكتر أنا شايفك مرايه لكل حاجه حلوه ” قلبت الصفحه وهي مبتسمه وكانها حست ان الكلام ده اتكتب ليها لقت” انا جاى أحبك.. جاى اشوفنى في ضى عنيكى.. جيلك وانا معنديش هدف غيرك،وجودك او جمودك او اللقا الي بعد هروبك.. اللقا الي بلاقينى فيه بعد التوهه الي فى غُربتك عني، خليني اقول ان هروبي ليكي مش اختيار وقسوه ردودك مردتيش عن اني اقولك” انا جاى أحبك من غير حُبك.. جاى ألقانى فيكى” “حست زينه بغرابه من الي قراته وفجأه نامت وهي وبتقرأ بس الغريبه….

يتبع…..

 

عن admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *