المحطة جريدة إليكترونية شاملة
سحر أبوالعلا
لو عاوز تجيب خدامة لأمك متتجوزش، خليك راجل وهات لأمك خدامة وادفعلها أجر، لو عاوز شغالة تطبخ وتمسح وتغسل متتجوزش، هات شغالة فلبينية بتعمل كل الحاجات دي هتاخد فلوس كتير معلش استحمل، عاوز تتجوز اتجوز حقك محدش يقدر يمنعك ودي طبيعة ربنا خلقنا عليها، لكن زوجتك دي بنت ناس زيها زي أمك وأختك فاللي مترضهوش لأمك وأختك مترضهوش لبنات الناس، لما تتجوز مراتك هتطبخ وتغسل وتمسح وتعمل كل حاجة حبا لك ولبيتها، فلازم انت كمان تكون بتحبها وتقدر قيمة اللي بتعمله علشانك وعلشان بيتها، هي مش مجبرة على كل ده بس هي بتعمل كل دة علشان بتحبك فياريت انت كمان تحبها وتوصلها ده ولو بكلمة تحسسها بتقديرك لكل حاجة بتعملها، هتحبها وتقدرها يبقى اتجوز، هتجيبها عشان تكون خدامة لك ولأمك يبقى متتجوزش.
