المحطة جريدة إليكترونية شاملة
سحر ابوالعلا
انت عارف قبل منك
قلبي كان عايش فى ايه.
عاش فى حيرة سنين طويلة
و لما شافك من بعيد
مادد اديك تمسك إديه
كان بالظبط زي غريق
و لمحك طوق نجاة بيتمد ليه
بس خايف قلبي منك
قبل منك ناس كتير ياما ألمت فيا
فوق وشوشهم خوف و طيبة
بس أفعالهم غريبة
و قلبي منهم ياما شاف
كان فاكرهم ينجدوه
قاموا فى بحورهم
بكل قسوة و غرقوه
طمن قلبي انك عشاني
و ان قلبك مش أناني
يمنّي قلبي بحب تاني
و بعد ما اطمن و اسلم
متغرقنيش بقسوة تاني
طمن قلبي ان انت غيرهم
وش صادق غير وشوشهم
الفعل واحد و الكلام
مش كل يوم القي
منك شيء غريب
القي فيك حد تاني
غير الوش الأولاني
طمني فعلا انك
هتكون طوق نجاة
يهدي قلبي من
جديد تاني الحياة
