بقلم عبير السويس
اللى بيقولو عليه لعنه
لا له دواء
ولا ف قاموس الهوى
موصوف للكلام معنى
انا الحب
اللى حاله يحير
مفيش راحه ولا تقدر
ف يوم ترحل
انا عنادك
ف عز الشوق
بتتدارى ف احضانى
وتتظاهر بنسيانى
وانتا بتدوب ف اللقا
انا زادك
ف وقت الجوع
بتتألم وانا ببكى
بتشكيلى وانا الموجوع
انا السبيل
وانا الدليل مليش بديل
لو خيروك ما بين عذابى
تفوتنى ولا تختار ترابى
ليك سكن
بتموت شهيد
………..بتموت شهيد
حب الوطن
ومهما تموت هتفضل حى
هتبقى نور لعمرى الجى
هتفضل حبى اللى بيزدنى
وتفضل ضهرى اللى ساندنى
هتفضل روح
تجمعنا على التوحيد
يا متوضى بدمك
هتفضل ذنب للخاين
عظيم وشديد
هتفضل صرخه يسمعها
قليل الدين
يا كلمة حق محفوره
هتفضل اصل مش صوره
هتفضل سيدى
ومعطر تراب ارضى
يا روح قلبى
ومهما الموت يعاندنى
هتفضل حى ..هتفضل حى
……هتفضل حى …..