المحطة جريدة إليكترونية شاملة
بقلم الشاعر: محمود السعيد عبد الهادي
لو تعرفوا شيئ عن الأخلاق
ياريت تقولولي فين راحت
أيام وسنين وانا بشتاق
من وقت ماعننا غابت
ورغم أن حياتنا كلها نفاق
فأصبح ياناس لونها باهت
وضاعت معها كل الحقوق
اللي في حياتنا ياناس كانت
نور وأمل وراية في الآفاق
ومن غدر القلوب تاهت
ورغم أن ليها كتير عشاق
راحت حياة ناس كتير ماتت
بسحر لونها البراق
أصبح لها لون ثابت
بيها تطول الأعناق
ولا عرفنا متي غابت
ومين السبب لهذا الفراق
بعدما العقول شاخت
ولو هتسألوا عن الأخلاق
خرجت خلاص وما عادت
