المحطة جريدة إليكترونية شاملة
بقلم عائشة محمود
شافت زينه من العين السحريه للباب شاب بيفتح باب الشقه وتوقعت ان ده أنس اخدت زينه نفس عميق وحاولت تهيئ نفسها وترتب الكلام الي هتقوله ليه وفتحت باب الشقه ونادت عليه بلهجه سؤال “أنس؟! ” قالها نعم ولف ليها وفي لحظه استغراب ليهم هما الاتنين وصدمه لي زينه لأنها شافت “نور” قدامها وسألته “نور ولا أنس” رد عليها وهو مبتسم ليها” انا اسمي مركب اسمي “نور أنس” في الشغل نور والبيت انس انتي عرفتي منين اسم انس؟ لحظه هو انتي زينه جارتنا الي اتحكالي عنها من يُسر وحُسن؟ ” قالتله” اه انا هي؛ صدفه غريبه ممكن نتكلم شويه؟” قالها “اكيد طب اتفضلي اكيد البنات جوه” سكتت شويه وعنيها دمعت وبعدها قالتله “لا هما مش جوه ممكن تدخل ونتكلم جوه احسن” دخل أنس وهو مش فاهم حاجة ولي لحظه كان مفكر أنهم عندها هي ودخل الشقه وزينه سابت باب شقتها مفتوح وحطت الشنطه بتاعتها عند الباب وقلتله “البنات قالولي انك هتيجي على ١٠ وعملت قهوه لينا بس مكنتش اعرف انك نور مش بعرف اعمل قهوه زي بتاعتك ولا زي بتاعت عمو حسين بص مش هعرف أرتب الكلام من شويه خبطت على البنات اطمن عليهم ولقيت يُسر تعبانه واخدتها على المستشفى” اتخض أنس وخوفه غير ملامحه لدرجه ان زينه مشفتش نور شافت شخص تاني شافت انس الأخ الي اتحكالها عنه ولأول مره تشوف اخ خايف كده على أخته قالتله” مش عارفه اقولك ايه بس الدكتور شخص حالتها وقال إن عندها ورم على المخ هو السبب في الاغماءات المتكرره ليها وان الورم في مكان خطير ولازم امضتك لو انت موافق على العمليه دي” أنس من الصدمه قعد على الكرسي ورجله مبقتش شايلاه “زينه قربت منه بكوبايه مايه وادتهاله وقالتله “مش هعرف اخفف عنك لان طول عمري محستش ان في حد في حياتي مهم من بعد وفاه اهلي مش عارفه الأيام الي جايه فيها ايه بس اسمحلي اكون مع يُسر وحُسن لاني اتعلقت بيهم جدا وخايفه وانا بعيده عنهم دلوقتي والاحساس ده مكنش عندي بقاله فتره طويله” احساس انس بالضعف وقله الحيله كان ماليه وقالها” انا اتمنى وجودك معاهم لاني ولأول مره حاسس ان وجودي مش كافي ليهم ومش عارف اعمل ايه ” زينه بدأت تلاحظ التوهه الي فى عيونه وانه مش عارف يرتب هيعمل ايه ف قالتله” اول حاجه لازم نكلم دكتور حُسن علشان متتعبش مننا لو عرفت بمرض يُسر لازم نخلي بالنا من ده انا مقولتش حاجه للبنات غير اني هجيب هدوم ليهم وهنروح سوا ليهم انا شايفه اننا نأجل معرفتهم بالحاله لحد ما نعرف هل في دكتور متخصص ممكن يساعدنا ولا لاء بس انت لو حابب تقول ده شئ يرجعلك انا كده كده معاكم وسبت الشغل الفتره دي لحد ما نعرف الوضع ايه” أنس قالها” انا رأي من رايك ممكن نجهز الشنط ليهم انا بصراحه مش عارف ممكن اخد ايه ف ممكن تاخدي هدومهم على ما انزل البنك اسحب الفلوس ” قالتله” اكيد”…
يتبع
