المحطة جريدة إليكترونية شاملة
كتبت-شيماء زكريا
الحقيقة إن كلنا محتاجين نفكر بإيجابية ونحاول نشتغل على نظرتنا للصعوبات وتعاملنا معاها، لكن المبالغة في الإيجابية والإعتقاد الخاطئ إنها إلزام مستمر علينا بيحولها لحِمل مؤذي بيضغط علينا
والفكرة اللي بتتصدر لنا من السوشال ميديا أحيانا إن بعض الناس تخطوا كل الأزمات وحياتهم بقت وردي وإن منتهى السعادة إننا طول الوقت بنضحك هي فكرة مغلوطة
لما بتصدقها بيتولد عندك إحساس إنك غلطان لو حاسس وِحش وإنك مُلام على مشاعرك السلبية وواجب عليك تكون بتلمع طول الوقت وتفتكر إنك مضطر تخبي وجعك وتهرب منه وتلبس أقنعة تستخبى وراها…
من حقك تمامًا تتألم، طبيعي لما تتكسر تاخد وقتك، عادي يعدي عليك وقت ماتكونش تمام أو في أحسن أحوالك، المهم ماتسمحش لدور الضحية يتملّك منك أو تعيش بتطارد صور مزيفة عن السعادة.. السعاده لابد تكون واقع.
