المحطة جريدة إليكترونية شاملة
كتبت عائشة محمود
عدى يومين على ما النتيجه بتاعت الفحوصات طلعت وبعد ما اتاكدوا قرروا يقولوا للبنات بدأ أنس كلامه مع يُسر لوحدها وقال” انتي عارفه اني بحبك وعارفه كمان انك غاليه عليا اوووي وكمان عارفه انك قويه جدا” قاطعت كلامه وقالتله “انا كمان بحبك وأعتقد أن قويه بيك بوجودك دايما معايا انا حاسه ان فيا حاجه من فتره والفحوصات دي مش كشف روتيني انا مش عايزه أشيلك هم انك تقولي حاجه لو حاسس انك مش قادر تقول خلي الدكتور يقول بنفسه وانا مستعده لأي حاجه طالما انت معايا انت وحُسن وكمان زينه” للحظه أنس خوفه قل وفهم ان اخته كبرت ومبقتش نفس البنت الصغيره الي كان متعود عليها وقالها” الدكتور قال ان عندك ورم في المخ مأثر على جسمك والاغماءات المتتاليه نتيجه ضغط الورم على المخ وللاسف مكان الورم خطير جدا بس بعد الفحوصات اكتشفنا ان ممكن العمليه تجيب نتيجه وزينه دورت على دكاتره في التخصص ده وقابلنا الدكتور وطمنا بس هو قال ان ممكن تحصل تطورات في العمليه علشان كده انا بوضحلك انتي هتمري ب ايه الفتره دي والدكتور بعد شويه هيجي ويقولك الحاله بتاعتك هتمر بإيه انا مش عايزك تقلقي انا معاكي ومش هسيبك ” يُسر احساسها بفقدان السمع كان لحظي وفي كلام كتير أنس قاله مسمعتهوش من بعد ما قالها على اللي عندها بس مع لحظه مسكه ايديها وكلامه اللي طمنها بدأت تدرك اللي هي فيه، كل شخص بيمر بمراحل كتير بعد صدمته بحاجه مش متوقعها من مرحله الإنكار لمرحله التخلي لمرحله التوهم لمرحله التناسي لمرحله التقبل، كل المراحل ممكن تتوالى وممكن تتباعد ممكن كل مرحله تاخد وقت وممكن متجيش كل المراحل ممكن تكتفي بمرحله واحده، المواقف اللي بتصدمنا غالبا بتتغير على حسب كل شخص وغالبا برضو بنوصل لمرحله التقبل في الاخر واعتقادك بأن هو ده الأمر الواقع جايز يكون مش استسلام علشان كده متحكمش على تقبل غيرك لموقف صدمه يُسر تقبلت الي هي فيه وبدأت تفهم اكتر من الدكتور وطلبت من الدكتور…..
يتبع
