المحطة جريدة إليكترونية شاملة
كتبت فاطمة السيد
كشف الفنان عمر كمال عن تفاصيل دخوله عالم المهرجانات والغناء الشعبى قائلًا: “أنا اخترت أغنى مهرجانات عشان أكون ماشى معالذوق العام للناس”
وأشار إلى أنه لم ينجح فى بداية مشواره الفنى بسبب اللون الغنائى الذى كان يقدمه قائلًا: “فى الأول كنت بغنى لون مختلفشوية ومواويل بس منجحتش مع الناس ولقيت إنى كدا ما باكلش عيش ففى 2019 قررت اللجوء إلى عالم المهرجانات والأغاني الشعبية”
وتابع: “وقتها كان فيه حمو بيكا وحسن شاكوش وكانوا نموذج ناجح للمهرجانات في مصر وكانوا سابقني بكذا مهرجان بدأت أدرسهموأشوف بيتكلموا إزاي وبيعملوا إي فانا كلمت حمو قالي أنا بحبك وبحب أغانيك، قولتله معايا كذا فكرة عايز أعملها، قالي تعالى اسكندريةوعملنا أول مهرجان وضرب مع الناس، وجبت لحن خليجي عراقي وكسرت الدنيا، وجبنا ٣٠ مليون وبعدين جت أغنية بنت الجيران”
وأوضح أنه لا توجد مشاكل بينه وبين المطرب حسن شاكوش قائلًا : “أنا وقفت مع حسن شاكوش خلال فترة وقفه وفي رجوعه وأنا بحبحسن شاكوش وباركت له بعد رجوعه ولكن في ناس حاولت توصل له رسالة إني كاره لعودته الفنية وده غير صحيح وإذا قابلته هبين له حبي”
وكشف عن معاناته قبل انطلاقته الفنية قائلًا : “أنا كنت وصلت لمرحلة من مراحل اليأس ولكن أملي في الله لم ينقطعوأخذت ورث والدي بعد خروجي من الجيش وكان مبلغ 60 ألف جنيه وعملت بالفلوس ألبوم غنائى وأمى زعلت وقتها، وقالت لى مش مسئولةعنك، وما كنتش عارف أشتغل ومش مرتاح فى الشغل حتى حققت حلمى”.
