المحطة جريدة إليكترونية شاملة
دكان الإنسانية
فتحت دكان إنسانية
مين فيكو عايز يشتري
بضاعه خاليه من العيوب
لا تدوب معاك ولا تتهري
صلاحيه أيوه
من زمان
لكن ضمانها يعيش سنين
نادر وجودها فالمكان
دى مصنعينها الطيبين
عندي قلوب للطبطبه
وقعدات زمان ع المصطبه
أرفف جديده ولونها أبيض
بأعلى خامه مشطبه
وعندي المحبه بدون مقابل
وعندي إحساس بالأمان
وفيه كمان عندي الوفي
طيب وعمره ف يوم ماخان
عندي صداقه أصلي يعني
مش جايبه حاجه مزيفه
كله قديم بخامات زمان
مش م الجديد متصنفه
وجبر الخواطر عندى منه
بس حبه قليلين
على جنب شايلاهم أنا
للمكسورين المحتاجين
مفضلش غير الأوردارات
نفتح بقا ؟؟
ونقول آمين ؟؟
