المحطة جريدة إليكترونية شاملة
كتبت – فاطمة السيد :
كشفت الفنانة ندى عفيفي عن كواليس أزمة عرض الحفيد وكذلك تفاصيل ضربها من الفنانة لوسي على المسرح خلال العرض قائلة : “هخرج عن صمتى وأتكلم وأنا مرفوعة الرأس ومش هتكسف أقول اللى حصل معايا في عرض الحفيد “
وأضافت عبر حسابها على فيس بوك قائلة : “أولا بأكد كل معلومه اتكلموا فيها زمايلي من انتهاكات حصلت في حقنا وكان سببها الفنانة لوسي بل بالعكس في حجات كتير وتفاصيل كتير متقالتش “
وتابعت: “عايزة أقول أحنا مكناش ساكتين ضعف أو تهاون في حقوقنا أبدا بالعكس أحنا كنا ساكتين احترامًا للتحقيقات اللى كانت بتحصل والقائمين عليا وحب في سمعة عرض الحفيد والمسرح القومى بالرغم من تصريحات الفنانه لوسي في برنامج الأستاذة لميس الحديدى واللى كانت كلها افتراءات وتخلو تمامًا من أي شئ من الصحة “
وأوضحت :“الواقعة اللى تخصنى وهى أن الفنانه قامت بضربى وشتمى أمام الجمهور بالفعل مما أصابني بالذهول وسابتنى على المسرح وخرجت وما كان من إلا إنى احترمت المسرح القومى والجمهور الغالى وزمايلي وكملت شغلى لكن فور خروجى من على المسرح اصابتنى نوبه انهيار ومع ذلك كملت العرض زى أي فنان محترم وبيحترم شغله والخشبه اللى واقف عليها دخلنا المشهد اللى بعده مسكتني وعنفتني تاني أمام الجمهور وأنا في منتهى الذهول من العبث اللى بيحصل من فنانة كبيرة كان عندى أمل أننا نتعلم من خبرتها الفنية وأن تحتضن هي مشاكلنا بدلًا من افتعالها خلصت ليله العرض وما كان من أستاذ إيهاب فهمى مدير المسرح القومى كل التقدير لشخصه إلا كل احتواء لنفسيتى وجبر خاطرى ووعدى بأنه قام باللازم مع الفنانه لوسي وأن حقى هييجي وأنا مازلت حتى الآن اشكره لدعمنا واحترامه لفننا وبعدها توقف العرض والى باقى الأحداث اللى انتوا تعرفوها “
واختتمت :“أن المخرج يوسف المنصور وعدنى أن اللى حصل ده مش هيعدى وكان مساندنى وكنا هنكمل العرض لكن الاستاذه فاجئتا أنهالم تحضر ولم تهتم ببروفه حددها المخرج وبعدها فوجئنا بأنها مقدمه شكوى فينا كلنا بلا استثناء لسعاده وزيره الثقافة “.
