المحطة جريدة إليكترونية شاملة
كتب – محمد السمان
ألفنانه القديرة مديحة يسري ؟ في حوار تلفزيوني عن زوجها
= أحمد سالم ..
سادت الأجواء لحظات صمت قليلة ثم اردفت قائله
أحمد سالم بقا حببني فيه لأنه كان قمة الرومانسية و ليه مواقف كتير أوي .. مرة كنا بنصور فيلم و بعدين كان مكسوف يقولي أنا بحبك ، لقيته بعتلي مشهد جديد وبيقولي هنعمله بكره ، روحنا في الجزيرة صورنا المشهد .. المشهد كله كلام حُب و مقدرش أستغنى عنك و كذا و كذا .. وبعدين أكتشف إن لا في كاميرا دايرة ولا حاجة .. قلتله إيه ده ؟ قالي كل الكلام اللي قلتهولك ده كان من قلبي و كنت مكسوف أقلهولك ، انا اقدر أقولك انه كان اكتر زوج مخلص ليا ، ما خانيش حتى برمش عينه
= مع ان كان له علاقات قبل حضرتك و بعد حضرتك ؟
– عشان هو كان جميل و متعلم و طيار و جاي بطيارة خاصة من انجلترا فكان حواليه زحمة شوية
هحكيلك مرة انا كنت تعبانه و باخد حقن كل ٦ ساعات .. يتصل بيا و يقولي أنا بفكرك بمعاد الحقن و معايا دبوس بشك نفسي كل ٦ ساعات زي ما انتي بتتشكي ، ما كانش ينزل المكتب من غيري ، يصحى بدري و يقعد يقرا جرايد .. و يحط قطنة في الجرس علشان لو بتاع الجرايد أو أي حد ضرب الجرس ما يصحنيش ، و يدخلّي بصينية الشاي لحد السرير نفطر و نشرب الشاي مع بعض و ننزل ..
مرة كنت تعبانة و مانزلتش معاه المكتب .. لقيته بيكلمني بيقولي أنا متشائم جدا إنك مش معايا فسيبي السماعة مفتوحة وأنا هسيب السماعة مفتوحة علشان أحس إنك انتي معايا
