المحطة جريدة إليكترونية شاملة
كتبت – فاطمة السيد :
أعرب رجل الأعمال عبدالعزيز حسن عن حبه الشديد لزوجته الفنانة علا غانم وذلك على الرغم من الخلافات التي نشبت بينهما مؤخرًا واعتداءها عليه بالضرب على حد قوله بجانب الحديث عن علاقته ببناتها قائلًا : “أنا طول عمري بحب علا من يوم ما شُفتها وبقول أمام الناس كلها إني لسة بحبها ومش عايزة أضرها في أي حاجة وبعتلها رسائل كتير جدًا إن حرام وعيب وتعالي نتكلم ولكن اللي حوالين علا مأثرين عليها، وبعد كل ده أنا لسة بحبها ومهما عملت فيا لسة بحبها”
وتابع : “أنا بحب أولادها جدًا وكانوا كل حاجة ليا وأنا عشت معاهم أكتر ما عشت مع ولادي الحقيقيين أحنا اتجوزنا في 2005 وعشنا هنا لغاية الثورة وبعدين اضطرينا نسافر أمريكا لكاميليا وفريدة بنات علا إقامة مستديمة ودخلتهم مدارس وبدأت الحياة واشترينا بيت وبقينا نتردد بين مصر وأمريكا ،مرت السنين وأخدوا الجنسية الأمريكية وعملنا بيزنس والدنيا كانت ماشية عادي ولكن بدأت المشاكل العادية أنا كنت بعتبرهم أولادي وأنا مخلفتش من علا وكنت أنا وعلا مستقرين في مصر أكتر من أمريكا والولاد كانوا في أمريكا لغاية 2017 علا قالت أنا مش عايزة أشتغل تاني لأنها كانت مضايقة من المنتجين والمخرجين وكان عندها مشاكل جامدة مع الكل ورجعت تاني أمريكا وفتحنا بيزنس والحياة كانت ماشية ومفكرناش في الخلفة لأن علا كان عندها مشاكل”.
