المحطة جريدة إليكترونية شاملة
خواطر-عادل رشوان أبوعيطة
فاكر يا حبيبى
أيام البراءة
لما كنا صغيرين
لما كانت قلوبنا
قد كف الإيد
مضفرة ومتزينة
بالطيبة والمودة
وعيونا بتلمع فرحة
لما نتقابل صدفة
لما أحلامنا الجميلة
كنا نحلمها سوى
فى وسط النهار
ونخبيها ونداريها
من نور الشمس
ليحسدنا عزالنا
وفى عز الليل
نجملها مع النجوم
ونوشوش بيها القمر
فى ليله بدره
ونشهده على حبنا
رغم قسوة الأيام
وبعد السنيين
و طول الفراق
أنا فاكر كل حاجة
فاكر دموعنا
كانت طاهرة
بتغسل قلوبنا
من تعب الدنيا
كانت أيامنا
حلوة جميلة
والسعادة مرسومة
على وشوشنا ضحكة
طلعة من قلب
كله براءة
فاكرك يا حبيبى
حتى وأنت بعيد
فى الزمن والمكان
عارف ليه….
أصل قلبى
قلبى الصغير
اتحفر فيه حبك
واتنقش عليه رسمك
واتكتب فيه اسمك
ولما كبر قلبى
كبر معاه حبك
