المحطة جريدة إليكترونية شاملة
كتبت – فاطمة السيد :
أعلنت الفنانة ميار الببلاوي مقاضاتها للفنانة وفاء مكي بعد أزمتها الأخيرة معها حيث أشارت إلى أن الخادمتين ذهبتا إليها قبل العمل عند وفاء وكتبت ميار منشورًا عبر حسابها الشخصي علي موقع التواصل الاجتماعي فيس بوك : “يعني البنت مشيت من عند وفاء خلصانة وهى اللي رمتها وأختها هربت تاني يوم يبقى كلام الشاهد مظبوط يا ناس ويبقى البنات جولي قبل ميروحوا عندها، وكمان أنا لو كنت قلت اللي أنا كنت فاهماه غلط ساعتها كنت هتحاكم زي الفنانين اللي اتهموا بالشهادة الزور وفعلًا ولا كان كلامي هيقدم ولا هيأخر “
وتابعت : “طيب ليه الست وفاء مطلبتنيش للشهادة وده اللي اتقلي لو محامين وفاء شايفين إن فيه أي ثغرة كانت طلبتني للشهادة وبالنسبة لجزئية أني طلعت عينهم علشان أقول الكلام اللي عندي، فأنا قلته بمنتهى الشفافية هل مطلوب مني ألف على كل القنوات والمواقع علشان أقول حاجة لا هي دليل براءة ولا معايا أي دليل خالص، لما شفت التحقيقات وسمعت شاهد العيان ربطت الأحداث وعرفت إن الحمد لله البنات نزلوا من عندي على وفاء مش العكس يعني واقعة التعذيب مؤكدة بعد ماكانوا عندي مش قبل وبكده يبقى الست مذنبة والمحكمة والمباحث والطب الشرعي لا غبار عليهم “
وأضافت :“ سبحان الله مش حق وفاء اللي رجع، حق البنتين اللي شافو قمة العذاب وربنا يفكهم من رقبتي إنما الأستاذة وفاء واللي طالعة في كل مكان تشوه صورتي وتبين أني كتمت شهادة كذابة وبيني وبينها القضاء العادل “.
