المحطة جريدة إليكترونية شاملة
كتب- حازم سعد
أعرب محمود عبد المنعم كهربا لاعب النادي الأهلي عن مدى سعادته على ماقدمه رفقة النادي خلال الفترة الماضية مؤكدا أنه يبذل قصارى جهده من أجل إسعاد الجماهير التي تعد الداعم الأول له
وكتب كهربا رسالة على حسابه الشخصي على “فيس بوك” حيث قال: “بعد إيقاف 6 شهور الحمد لله قدرت أقف على رجلي تاني و بسرعه جدا وأكمل مسيرتي”.
وأضاف: “موسم صعب و كله ضغوطات إنتهي بأن الأهلي بطل كل حاجه و بكرم ربنا و دعم جمهور الأهلي قدرنا نحقق كل البطولات إللي شاركنا فيها مكنش هينفع إننا نستسلم في وسط الطريق كان لازم نكمل للاخر زي الأهلي ما عودنا كنت بستني الإيقاف ينتهي بفارغ الصبر علشان أقدر أشارك و أجتهد”.
وأكمل: “إتعرضت لضغوط كتير و ناس بتحاول إنها تعطلني بس ربنا كان ديما في ضهري و نصرني الحمدلله فا أي ضغط من الضغوطات الكتير الي اتعرضتلها كنت برميه ورا ضهري و أركز في تمريني و أركز في الملعب وأسعد جمهور النادي في محاولة إني أرد و لو جزء بسيط من فضل جماهير النادي في دعمهم ليا و وقوفهم في ضهري من أول يوم كنت فيه في النادي”.
وواصل: “أي كلام مش هيوفيهم حقهم ولا هيوصف اللي في قلبي من ناحيتهم الحمد لله قدرنا نحقق كل حاجه و في النهاية بشكر كل شخص قدملي المساعده ووقف جنبي من أول بيتي النادي الأهلي والمدير الفني والجهاز بأكمله واخواتي في الملعب الي عمال غرفة الملابس و المنظومه جميعا وأشكر عائلتي الداعم الحقيقي و الدائم في كل الاوقات”.
واختتم: “بشكر كل إللي وقف جمبي و كان بيشجعني و كان حافز إني أكمل و مستسلمش شكرا من كل قلبي.. الحمد لله
