المحطة جريدة إليكترونية شاملة
بقلم-محمود السعيد عبد الهادي:
مش هيخلص الكلام
لو كتبنا في يوم عليكي
دا أنتي العشق والغرام
يابورسعيد دا روحنا فيكي
وأي حاجه حلوه فينا
زي النسمة مابين أديكي
حتي صوتنا وحتي روحنا
مش قليلة أبدا عليكي
لما نعدي فوق قنالك
مراكبنا دايما بتناديكي
أنت عشق لكل وطني
وبروحنا دايما بنفاديكي
ومهما هنكتب كتير عنك
لسه بردوا قليل عليكي
يابورسعيد يابلد النضال
يحفظك ربي ويحميكي
