المحطة جريدة إليكترونية شاملة
بقلم-سحر ابو العلا:
حياتي مصحة نفسية
وقلبي فيها نزيل دائم.
وعقلي طبيب لكن فاشل.
وروحي تايهة ما بين الاتنين.
طبيب بيوصف كل يوم دوا.
ومريض عنيد استحلى المرض.
عايش على جرعات الوجع.
واصبح مدمن ورافض الدوا.
لا هو بيشفى من ادمانه.
ولا عقلي يأس من علاجه.
بس هيعمل ايه الطبيب.
في مريض استحلى ادمانه.
ارتاح يا عقلي مفيش فايدة.
ده قلبي وانا عارفة تمامه.
لا هيهدى ولا يرتاح.
كأنه بيعشق الأوجاع.
كل طريق يمشيه.
نهايته وجع.
وياما ياعقلي حذرته.
وياما اتوجع.
