المحطة جريدة إليكترونية شاملة
كتبت سماح إبراهيم
سقارة منطقة تراث عالمى ومنطقة أثرية رهيبة فيها من الكنوز والمعجزات ما يبهر – سقارة فيها أهرامات ومقابر يصل عمرها الى حوالى أكتر من 4700 سنة- أشهرها طبعا هرم زوسر المدرج- أقدم بناء حجرى ضخم عرفته البشرية وأحد اقدم أهرامات مصر والعالم وقبل أهرامات الجيزة العظمى
بجوار هرم زوسر المدرج يوجد المجموعة الجنائزية للملك زوسر وهى من أروع مبانى مصر القديمة بطرازها الفريد الغير متكرر فى أماكن أخرى
داخل الهرم موجود المقبرة الجنوبية للملك زوسر و دى حكاية فى حد ذاتها والدخول ليها بيكون من خلال ممرات وغرف هتشوف فيها اقدم سيراميك حوائط فى التاريخ باللون الأزرق الرهيب
سقارة فيها مقابر غاية فى الروعة والجمال وقبل مقابر وادى الملوك والملكات فى الأقصر وقبل جبانة الأهرامات بالجيزة ومليانة بالنقوش البديعة اللى بتوصف الحياة فى مصر القديمة
سقارة فيها أهرامات ومصاطب ومعالم كتيرة
سقارة فيها معجزة هندسية احتار العلماء والأثريون فى فك رموزها ومعرفة أسرارها والكلام على معجزة السيرابيوم اللى فيها توابيت حجرية تزن 100 طن للتابوت الواحد ومنحوتة بدقة عالية وموجودة داخل سراديب ضيقة تحت الأرض- السيرابيوم لما تشوفه بعينك هتحس بالذهول من عظمة المصرى القديم ومن رهبة المكان
سقارة كل يوم بتفاجئنا باكتشاف أثرى جديد يبهر العالم ويوجد فى باطن أرضها أضعاف اللى خرج منها- سقارة لوحدها محتاجة أيام علشان تتفرج عليها بالتفصيل
عظمة سقارة تكمن فيما هو فى باطن الأرض وسترى العجب عندما تشاهد بعينك
