المحطة جريدة إليكترونية شاملة
سحر أبوالعلا
جربت تبص في مرايتك
تسألها أنا مين.
جربت تشبه على نفسك
ده انا من سنين
جربت تدور عليك جواك
لقيت واحد حزين.
جربت مرايتك تتكلم
مع انك ساكت
جربت تدمع من قلبك
وعنيك ناشفين.
جربت تشوف روحك
ساكنة في قبر حزين
مع إنك عادي بتتحرك
عايش ويا دوب جواك نفسين
نفس وجع والتانى أنين.
جربت تتوه وسط الزحمة
مع إنك ساكن فى الوحدة.
جربت تكون واحد تاني
تايه بيدور فى أماني
جربت تعيش وسط العايشين
يمكن تلقى يومين حلوين.
جربت تسافر يوم متجيش
جربت تقرر مرة تعيش.
جربت تنام وانت بتدعي
إن ياريت تانى يوم ميجيش.
جربت تكلم في حيطانك
تلقاها تردد صدى صوتك
وترد تقولك كفاياك
دور على نفسك جواك.
.سحر ابوالعلا
#السلطانة
