الكل يريدك ان تصنع المعجزات..

بقلم علا وحيد

الكل ينظر إليك انك متفرغ طوال الوقت.. ولا تفعل شيئا.. وتنتظره ان يأتي لك باعباءه، حتى يخف من عليه، ويعطيك تشغل فراغك.. هذا مايعتقده الناس الان.. فيها ايه لما تساعدني ماهي قاعده فالبيت مش وراها حاجه.. مش وراها اكل وشرب ومذاكره وتنضيف وغسيل ومسح وكنس وعيال تعبانه ورعاية وزوج وطلبات.. فيها ايه لما صحبتك او جارتك تديكي ولادها عشان تريح ساعتين..  اللى اختشو ماتو. وصاحبتك اللي راحه للدكتور تاخدك معاها مانتي فاضيه بقى. وجارتك تجيبلها طلباتها معاكي، مانتي كده كده نازله تجيبي حاجاتك فبدل ما تشيلي ٢٠ كيس شيلي ٥٠.. فيها ايه ها.. ويحاسبوكي بقى لو نسيتي حاجه.. ليه ملفتيش عليها.. فيها ايه لما صحبتك تميل عليكي وتستلف منك فلوس

٠فلوسها خلصت تاخد منك علي اساس انك البنك المركزي.. فيها ايه لما تيجي تفطر كل يوم معاكي.. مطعم ام المصريين.. وياااه لو مردتيش على تليفونك عشان ايدك مشغوله، ولا عشان نايمه، ايه ياست مش عايزه تردي علينا ليه… لازم تبقى متاحه ٢٤ ساعه..

ويبدأ الهجوم الداخلي ما اللي فات دا كله كان خارجي..

اللي بتاخد مصروف قد كده __ ومطلوب منها يكفي كده_______________ المراءه الخارقه. وفالاخر وديتي مصروف البيت فين ياهانم.

و نيجي بقى للتقيل مدارس ودروس ولانش بوكس وسبلايز وهدوم من بره وهدوم من جوه وشنط وجواكت.. ويتقالك مانتي مش حسه بحاجه..

ولازم نلتزم الصمت اصل بصراحه فعلا الله يكون فعونهم.. الدنيا ذادت وبهوقت علي كل ست وكل راجل.. حاولو كل واحد يراعي التاني.. لو فايدك توفري حاجه اعمليها.. وانت لوقدرت تمسك نفسك عند صدماتك او غضبك هيفرق كتير..

 

الغرض البيوت مليانه بمشاكلها والتزامتها والناس ممشيه نفسها بالعافيه.. راعو بعض وبلاش العشم اللي يخليك تقيل الدنيا بقت صعبه.. متشيلش اللي قدامك فوق طاقته منك.. ومتخدش بظواهر الأمور.. لو حصلك ظرف مره مش مشكله لما تميل على حد.. الناس لبعضها.. بس ميبقاش مقرر نشيل هم بيتك كل واحد فيه اللي مكفيه..

الرحمه حلوة

الراحمون يرحمهم الرحمن ارحمو من في الأرض يرحمكم من في السماء..

دمتم في امان الله