المحطة جريدة إليكترونية شاملة
العلاقة السامة هي العلاقة الي بدل ما تعليك تنزل بيك لسابع ارض ، هي العلاقة الي بتقوم علي مجهود و تضحية طرف واحد من اطراف العلاقة .
لما تلاقي نفسي بتدي ومش بتاخد تبقي ف علاقة سامة ، لما تلاقي نفسك انت الطرف الي دايما بيدور ع الطرف التاني تبقي في علاقة سامة .
لما تلاقي نفسك بتشحت اهتمام او اي حاجة محتاجها من الطرف التاني اعرف انك في علاقة سامة .
لما تلاقي نفسك بقيت تحب و متعلق بالطرف التاني بطريقة مرضية لدرجة ان يومك مش بيعدي لو هو مش فيه ، تبقي في علاقة سامة .
لازم اول ما تحس ان العلاقة الي انت فيها ديه علاقة سامة تسحب نفسك منها ودايما حط ف دماغك ان وجع قريب بمزاجك احسن من جرح صعب غصب عنك بعدين .
دايما انك تاخد قرار الانسحاب بيبقي صعب لان احساس الوحدة بيحاوطك و يخوفك بس احساس الوحدة سهل التغلب عليه بالشغل او القراية او الرياضة او ممارسة هواية و حاجات تانية كتير .
بس كل الي عليك انك قبل الانسحا تلفت نظر الطرف الاخر لاخطاءه يمكن ينتبه ويكون مش قصده وساعتها هتكسب او ممكن مايسمعلكش و يضرب بكلامك عرض الحائط وبكدة يكون حسم الجدال الي جواك ووفر عليك عناء التفكير .
نصيحتي ليكو ما تحاولوش تجهدو نفسكو في العلاقات السامة واتاكدو دايما ان كل واحد بيختار مكانته ودرجة قربه منك في حياتك بمزاجه و بتصرفاته ،خلي ذهنكو حاضر دايما و فكرو في تصرفات الطرف الي تربطكو بيه علاقة وحبو نفسكو ومتخلوش حد يجبركو بالبقاء في علاقة سامة تسحب صحكتو و طاقتكو ونفسكو وتلاقو نفسكو ف الاخر اشباح و اجساد بلا روح .
