المحطة جريدة إليكترونية شاملة
سحر أبوالعلا
وامي تنادي تقولي
شيشي الشيش
خلي القلق يبعد
يروح ميجيش
وفي العصاري
ناخد احلى تقييلة
ونصحى على كوبايتين
شاي بالنعناع
وقعدة في البلكونة
على عشرة كوتشينة
والمغلوب عليه اللب
والتحابيش
نسهر لمة ونقول للشمس
تغيب ما تجيش
يسرقنا الوقت في القعدة
ونغفل .
ونصحى على صوت بابا
معاه الفول والعيش
ونرص احلى طبلية
برغم بساطتها
الفرحة متساعنيش
ياريت يرجع زمان
ياريت لو بكرة
كان ميجيش.
