الاميره الباكيه (الجزء الاول )

تأليف- أسماء يمانى

كان يامكان مايحلى الكلام الا بذكر النبى عليه الصلاه والسلام

يحكى ان فى احد الممالك البعيده كان هناك ملك ذو هيبه ويحكم مملكته بالعدل والحب، لكن الملك ده كان تعيس فى حياته بسبب ابنته الاميره (جوريه) لانها كانت على طول حزينه ومافيش حاجه بتسعدها مع انها كانت اجمل بنت فى المملكه وحزنها ده محدش عارف ايه سببه ،واحتار الملك معها وجبلها المهرجين عشان يضحكوها لكن كل ماحد يحاول يفرحها تبكى كان الملك حزين ومش عارف يعمل ايه عشان يفرحها مع ان كان موفر لها كل وسائل الرفاهيه وبردو حزينه وبتبكى وفى يوم قرر الملك ان يعلن عن مسابقه كبيره فى المملكه أن لو حد قدر يضحك الاميره هيديله مكافاه كبيره غير انه هيفوز بالاميره كزوجه له، خصوصا أن أمراء وملوك كتير حاولوا يطلبوا أيدها لكن كل مايشوفوها ويتكلموا معها تبكى بشده فيخافوا ويهروبوا منها ،لدرجه اتهموها بالجنون ومافيش حد بقا عايز يتقدم لها ، عشان كده فى المملكه اطلقوا عليها الاميره الباكيه من شده بكائها

ولما أعلن الملك عن المسابقه من قبل الوزراء سمع بطل حكايتنا هنا (فارس) ابن الراعى ،عن المسابقه ففرح لانه كان بيحب الاميره كان كل ما يشوفها بتعدى أو يلمحها مع الحراس كان يحاول يقف عشان يبص عليها لكن عشان هو ابن راعى غنم كان بيخاف، ويقول فى نفسه انا فين وهى فين هوصل لها ازاى انا مجرد ابن راعى غنم فقير ، مع أن بطلنا فارس كان اسم على مايسمى بطل فى الفروسيه محارب شجاع ، واستغل موهوبته وقدم مع المتقدمين فى المملكه ، لكن كان عارف أنه ممكن يخسر لكنه صمم ،لكن من حسن حظه محطوش فئه معينه من الشعب للتقديم بل جميع فئات الشعب

– فارس فضل يسأل عن اسباب حاله الاميره فسمع عن رجل فى منتصف الخمسين كان معروف فى المملكه بانه عارف تاريخ المملكه كلها وكان ليه شأن كبيره فى المملكه زمان لكن فجاه قرر انه يترك كل ده ويستقيل او بمعنى اصح ان فى سبب مخفى لتركه القصر دون رجعه ،وفعلا حضر فارس الحصان وطعام للسفر لان الرجل كان فى مدينه بعيده عنهم وكان الطريق بالحصان هياخذ يومين عشان يوصل ،

– وبعد يومين من تعب ومشقه السفر وصل اخيرا لبلده الرجل وفضل يسأل عنه فى كل البلده وبعد وقت طويل اخير عثر على شخص يعرف هذا الرجل الذى يلقب فى المدينه باسم

(الدكتور تاج الدين )لانه كان بيفهم فى العلاج بالاعشاب والطب البديل ،

– اخيرا عرف فارس انه يعثر على الدكتور تاج الدين ، والى لما شافه جرى عليه عشان يسأله عن الاميره لكن تاج الدين كان رده ناشف وطرده وقال انا معرفش حاجه عن الاميره والاحسن تمشى بهدوء من هنا

زعل فارس من رد تاج الدين لكنه مستسلمش ابدا وفضل قاعد عند باب بيته عشان يعرف السر وكان كل ما تاج الدين يشوفه يشخط فيه جامد ويمشى ويقوله احسلك تمشى من هنا وبعد يومين كمان

كان قاعد فارس امام بيت الطبيب كان بيجمع الاخشاب عشان يحرقهم عشان يدفى فيهم فى وسط السقيع الى فى المدينه لقى 3مغطين وشهم وبيهجموا على باب الدكتور تاج الدين وكسروه وعايزين يضربوه راح جرى فارس عليه ضربهم وانقذ تاج الدين ،ومن هنا بقوا اصدقاء فارس وتاج الدين وقدر يحكيله على كل حاجه والسر الخطير ال. فى المملكه

الطبيب تاج الدين استغرب من موقف فارس الشجاع مع ان طرده من بيته كذا مره ،ورفض حتى انى يسمعله لما جاب سيرة المملكه ، بس كان ميقدرش يقوله حاجه سعتها لان ديه اسرار المملكه كان لازم يعمل كده ،

تاج الدين ” انت ليه انقذتنى وعايز ايه بالظبط من المملكه والاميره

فارس “كنت لازم انقذك مش عشان حاجه لكن الفارس لازم ينقذ اى حد فى مشكله ،وده من اخلاق الفرسان حتى لو مكنتش هتساعدنى ،اما بقا عايز ايه من الاميره فاعايز كتير عايز روحى ترجعلى عايز الشمس تنير حياتى عايز البهجه والسعاده يكونوا من نصيبها عايزها هى حب حياتى هى املى فى الحياه الى طالما حلمت بيه هى الهواء الى بتنفسه هى فرحتى وبهجتى وده فرصتى الوحيده عشان اساعدها واعرف سبب بكائها وافوز بيها فى المسابقه الى عاملها الملك الى يقدر يضحكها هياخذ مكافاه ويفوز بيها انا مش عايز المكافاه عايزه هى بس

تاج الدين ” ياااه بتحبها ا لدرجه ديه ،تعرف عشان كده انا هقولك هى تستحق واحد ذيك لانك بتفكرنى بحد اعرفه بس معملش زيك واستسلم ومحولش اكتفى بالحب من بعيد من طرف واحد وعشان كده انا هساعدك عشان متبقاش زيه

تعرف انا فى القصر من زمان كنت شاهد على كل حاجه بتحصل فى المملكه ،كنت المساعد والطبيب للملك كان بيثق فيا اوى وكانت المملكه فى بهجه وسعاده ،وخصوصا لما الملك عثر على حب حياته الاميره (نوران) كانت جميله ورقيقه تشبه (جوريه ) بالظبط كان الملك بيحبها بجنون وهى بردو كانت بتحبه لكن الملك ابوه كان معارض جوازهم فى الاول بسبب ان نوران ليست من كبراء القوم بنت عاديه لكن الملك ابنه صمم واتجوزها لكن بعد جوازهم قاعده سنين كتير متخلفش لدرجه الملك قال لابنه لو مخلفتش لازم تتجوز عليها واحده من مقامك لكنه رفض بشده وقال مش هتجوز على نوران وعيالى هيكونوا منها لما بلاش ،

اصلى كان بيحبها وبعديها بشهر كلنا سمعنا عن خبر حمل الاميره نوران الى كان خير وسعاده وفرح للملكه كلها ، وبعد تسع اشهر فى يوم كان برق ورعد وليلل خيم على المملكه شرفت جوريه كانت طفله جميله مكنتش بتكلم ولابتعيط الملك كان فرحان بيها والمملكه فضلت فى احتفال بقدومها لمده شهر بحاله ، لكن بعد الشهر حصل حزن وصدمه هز المملكه بأكملها هو وفاه الاميره نوران والغريب ان الاميره كانت بخير ومشتكتش من اى مرض قبل كده وصحتها كويسه ، وبعض ماكان الفرح والسعاده كان منتشر فى المملكه عم بدالها الحزن والكابه لكن الغريب فى الامر ان جنازتها ودفنها كانت شامله على الملك وابوه والوزير بس حتى انا منعونى من حضورها لان الملك كان حزين مكنش عايز حد يشوفه وهو حزين ، ومن سعتها الاميره جوريه فى بكاء دائم اكنها حست بفراق امها ومن هنا مبطلتش بكاء ولكن الى سمعته مكنتش متصوره وبسببه تركت القصر كله

فارس ايه الى حصل يخليك تترك القصر وتمشى

تاج الدين ” الى حصل ان الاميره جوريه كانت تبكى كتير ومكنش فى حد عارف يسكتها وكل ماتكبر البكاء ميبطلش وكانت تصرفاتها غريبه وبتحب الوحده ومش بتكلم كتير ولو اتكلمت بتبكى ،وسعتها بعض خدام القصر قالو ديه بسبب اللعنه الى حصلت ليها وقتل امها واستغربت لما سمعت الخبر قتل الامير ماتت سكته قلبيه الى سمعته روحت ليهم وهما انكروا وخافوا ولما قولتلهم محدش هيعرف السر ده لان بموتهم ، راحت واحده من الخدم اعترفت ان نوران كانت من عائله السحره بيمارسوا السحر ولما عرفوا اهلها بجوزها قطعوها للابد ،وانها خبت حقيقتها عن الملك لان كان فى الوقت ده بيعدموا اى ساحره يلقوها وكانت البلاد فى حاله صراع مع اهل السحره ،والشعب كان بيطالب باعدامهم ،غير دلوقتى الملك عمل هدنه معاهم لضمان الحفاظ على امن المملكه ،وهى حبت الملك لكن مجرد لما الملك ابوه عرف حقيقتها اتفق هو وابنه على قتلها وكانت جوريه طفله وشاهده واتلعنت لما شافت ابوها بيقتل امها قدامها

وفى الى قال اهلها قتلوها ولعنوا بنتها لانها لاتنتمى ليهم لكن الكل اكد انه الملكه لم تترك المملكه

لما روحت واجهت الملك انكر وقال مش عايزك فى القصر تانى ، فقلت له انت ملك بلادى لكن مبقتش صديق لى وانا الى مش هقدر اكون فى القصر مره تانيه ،

فارس ” وبعد كده عملت ايه واتاكدت من كلام ده صح ولا

تاج الدين ” سبت القصر بكل زكرياته وفضلت ابعد عن المدينه وجيت هنا واشتغلت مهنتي كطبيب اعشاب لكن كنت طول السنين ديه بدور على اصل نوران والى عرفته واتاكدت فعلا انها من عائله تمارس السحر الاسود ليس كاى سحر ولعنه جوريه لن تنتهى الى بامر منهم عن طريق زهور الاقحوان الى بتزرع فى جبالهم ويقولوا عليها التعاويز الخاصه بهم

– فارس ” خلاص هروح اجبها قولى بس هما مكانهم فين وفين بلاد السحر

– تاج الدين “الى بتقوله انت تعرف المخاطر الى يدخل ارضهم وكمان لاينتمى ليهم دول قتله بيكرهونا لاننا سبب موتهم وبعدين حتى لو روحت هتعدى من الغايه السودا ازاى ديه غابه مسحوره

– فارس ” الغابه السوده فين ديه وفيها ايه

– تاج الدين الغابه السودا سموها كده عشان ضوء الشمس مش بيدخل فيها والاشجار بتنمو على ضوء الليل فقط هى غابه ملعونه حتى لو روحت فيها وسط ضوء الشمس هتلقى ليلى عشان كده سموها الغابه السوداء لانها مفهاش غير سواد الليل وفيها مخاطر كتيره وحيوانات مفترسه وغيلان يعنى مش هتسلم منها

– فارس ” وان قولتلك عندى استعداد اخاطر بكل ده من عشانها انا هروح الغابه السوده وهروح لقبيله السحره فى ارضهم وهجيب العلاج لجوريه

– تاج الدين ” شجعتك ديه هتكون سبب موتك لكن يارتنى كنت زيك وعشان شجاعتك ديه وحبك للاميره مش هسيبك وهاجى معاك لانى الوحيد الى عارف حاجات كتير عن بلاد السحره لانى قرات وبحث حاجات كتير لان فيها اعشاب شفاء

– فارس ” مكنتش اعرف ان الطبيب هيكون معايا فى رحلتى ويكون مصدر عون ليا وفعلا مشينا فى طريق طويل ووصلنا اخيرا الى الغابه السوداء الى اول مادخلنا فيها اتفجات من الى شوفته معقول فى كده

البارت الثالث

اتفاجئت لما شوفت الغابه كنا فى وسط النهار ولما دخلنا فيها بقينا فى نص الليل واتفاجئت من منظر الشجر كانت اورقها لونه احمر وجزورها سودا طيب ازاى كنت بتفرج على طبيعه ومشفتش زيها قبل كده وفجا ظهر لينا غيلان ضخام شكلهم بشع اوى ،مكنتش عارف اعمل ايه انا وتاج الدين، كانوا تلاته من الغيلان واحد منهم قرب منى ومسكنى ورفعنى لفوق ، كنت هتخنق ومكنتش قادر اخد نفسى ،وطلعت سيفى مره واحده وضربته لكن السيف اتكسر معقول طيب ازاى كنت خايف من الى شوفته ،

ولقيت الغول قاعد يضحك هههههههههه انت فاكر السكينه الى فى ايدك ديه هتأثر علينا احنا بناكل البشر بعضمهم فاهم هههههههههههه،ولقيته عينيه وسعت وبرق ليا اوى وقالى استعد هتكونوا عشانا الليله وجيه يقرب منى قولته استنى اصبر طيب وصحابك دول واهلك مش هيتعشوا انا موافق انك تاكلنى لكن هما فين نصبهم ،انا وصديقى يدوبك نقضى واحد فيكم عشان يشبعه ، انت شايف جسمنا ضئيل طيب وصحابك الى معاك فين نصابهم احنا يدوبك نشبع واحد فيكم ، وضربت كلامى وصابتهم كالسهم ،والى حسبته لقيته وفعلا بدا فى الخناقه علينا مين هيفوز بينا كوجبه رئيسيه

– انا الغول ارام ،كبير قبيله الغيلان وانا اكيد الى هتكونوا من نصيبى واكلكم انتو الاتنين ،

وتكلم الغول الثانى ” مين الى قال الى هيكونوا من نصيبك عشان انت كبير القبيله هما هيتقسموا على القبيله بالعدل وانت ملكش غير جزء صغير زينا

الغول ارام ” انت اتجننت انت ازاى تعلى صوتك على كبير القبيله انا الى اقول هنعمل ايه مش انت ،

وتتدخل الغول الثالث وبدوا الثلاثه فى الخناق على مين هنكون وجبه رئيسيه لهم

– وفى الوقت ده بدانا انا وتاج الدين نتسحب واحده واحده لكن تاج الدين قالى امسك ده فى ايدك منضمنش ممكن ياخدوا بالهم مننا ولما اقولك ارميه ترميه عليهم وترميه وتجرى ، روحت قولت ايه ده قالى مش وقتك اعمل الى بقولك عليه ، وفعلا فى وسط واحنا بنتسحب الغول ارم شافنا راح تاج الدين قالى ارميه وفعلا رميتهم بمسحوق لونه اخضر واول مارميته قاعدو يكحو وكانو هيتخنقوا وجيه يقربوا علينا ضربتهم بضهر السيف وهربنا

– فارس ” الحمدلله نفدنا بس قولى ايه المسحوق ده وعرفت ازاى انهم ممكن يشوفونا ومطلعتهوش من بدرى ليه ده كان هيموتنا ا

– تاج الدين ” اولا كنت ذكى فى الحركه الى عملتها يافارس ،وكنت كمان عايز اشوف رد فعلك ايه معاهم ،لكن ذكائك مكنش مافيه الكفايه ، واعرف كمان ان عدوك اذكى منك وبلاش تستهين بيه او تقلل منه انه ممكن يغدر بيك فى اى وقت وبلاش تثق فى اى حد ، ثانيا المسحوق الى فى ايدى ده المسحوق الاخضر الى الغيلان عندها حساسيه منه وقادره انه تبطى حركتهم وهيخدوا وقت طويل عشان يقدرو يتفقدوا اثرنا نكون احنا قدرنا نهرب من هنا ،وانت معايا يافارس هعرفك انواع الاعشاب وازاى تقدر تحارب اعدائك بيها

– فارس ” كنت بسمع تاج الدين وقد ايه هو بيتقن شغله اوى وكمان يقدر يستغل شغله كاداءه لمحاربه غيره بيها وان الاتقان فى الحاجه الى بتحبها تقدر تحقق المستحيل بيها

– مشينا مسافه طويله شويه لكن لسه فى الغابه مش عرفا نهايتها فين ،فقولت تاج الدين انا تعبت لازم نخيم فى مكان نستريح فيه شويه انا مش هقدر اكمل

– تاج الدين ” بس الغابه هنا ملهاش امان وفيها سحر اسود منضمنش الى ممكن يطلع علينا ،

– لكن مسافه شكلها لسه بعيده واحنا محتاجين الراحه ،احنا ممكن نشعل نار هنا عشان الحيوانات المفترسه

– تاج الدين ” بس الخوف مش من الحيوانات بس على العموم انا عامل حساب اشعل انت النار وانا هتصرف

– فارس ” واشعلت النار فى المكان الى قاعدين فيه ولقيت تاج الدين اخرج مسحوق لونه ابيض وبدأ يرشه حوالينا زى الدائره وحوطنا بيه بصت ليه اوى ، وقالى ده عشان الحمايه متحولش تتطلع برا الدائره ديه ابدا مهما كان السبب

– ليه وايه المسحوق ده وايه لازمته وهيحمينا من ايه الغيلان مثلا

– تاج الدين ” ده مسحوق الملح البحر الخشن وده هيعمل طبقه عازله لحمايتنا من اى قوه خفيه لان الغابه هنا معروفه بظهور الاشباح وجنيات الغابه عشان نقدر نكون فى امان ، حسيت ان فارس مش فاهم ايه نوع الخطر الى بقول عليه ومن كتر التعب سندت ضهرى على شجره ورحت فى النوم عميق وكان فارس جنبى سعتها ومحستش بحاجه غير لما فجاه لقيت فارس برا الدائره هى قدامه وبتشده ناحيتها وعايزه تاخده مكنتش عارف اعمل ايه وحياته بقت فى خطر …

ومع طلوع الصباح سكتت الكاتبه عن الكلام المباح حين الديك صاح معلنا ان الصباح قد لاح والليل يشد الرحال ، ونبدا استكمال باقى القصه مع كثره التشجيع واعلان مدى اعجابكم بالاميره الباكيه وماذا حدث لفارس ومن هى التى اخرجته خارج دائره الحمايه وماهو مصيره