الخيانة طبع ولا سلوك مكتسب

بقلم :رنا حسين

مع زيادة نسب الخيانة الزوجية او الخيانة بين المرتبطين عموما راودني السؤال دة كتير !!!!!!
هل الخاينين بيبقي دة طبعهم ولا دة بيبقي مجرد سلوك اكتسبوه من المجتمع او من اصداقاء السوء ؟؟
محدش يقدر ينكر ان الخيانة سلوك مشين ترفضه كل الاديان السماوية وينفر منه البشر .
ليه بقي السايد في مجتمعنا طبع الخيانة ليه بقي اسهل حاجة ان الانسان يخون اكتر حد حس معاه بالامان او اكتر حد كان ضمنه برقبته .. ليه الانسان يخون اصلا ؟؟
ناقصك حاجات ف بيتك كلم مراتك براحة عرفها فهمها بس متخونهاش ، برضو مرتحتش يبقي تسريح باحسان لكن متخونهاش .
طيب لو مراتك بقي بتتمنالك الرضا ترضي وبرضو تخونها عشان انت دة طبعك ولما تكتشف خيانتك تعيط واقولها مليش غيرك متسبينيش .. طيب مصونتهاش ليه ! محفظتش عليها ليه ؟؟
عارف يعني ايه واحدة تنام مقهورة عشان عارفة ان شريكها بيخونها ، طيب عارف اد ايه بيوجع و يألم ان حد يتخيل ان شريكه بيعمل مع حد تاتي نفس الي بيعمله معاه ؟؟
اتخيلت .. لا معلش اتخيل تاني بقي بس حط نفسك مكانها اتخيل ان كل الي انت بتعمله شريكتك بتعمله بظبط هتقبل ؟؟ هتقول معلش المهم انها بترجعلي انا ف الاخر ؟
وتتخيل ليه ما هو انت فعلا حاسس ان شريكتك بتغفلك زي ما انت بتغفلها بالظبط ماهو الي فيه عيب بيبقي شايف كل الي حواليه بيعملو نفس الي هو بيعمله ، الي بيخون بيشوف شريكته خاينة والي بيكذب بيشوفها كذابة والي بيعمل حوارات بيشوفها برضو كدة كل واحد بيشوف الي قدامه مرايته.
طيب يا ابن الحلال ليه من الاول وجع القلب ،شايف نفسك مش اد ارتباط يبقي متظلمش واحدة هتشوفك كل حياتها متظلمش واحدة مأمنالك وتكون السبب في هز ثقتها ف نفسها او في انها متحسش بامان او تتقهر بسببك .
اتقي الله ف شريكتك و ياريت متكونش سبب في تدمير انسانة كان كل ذنبها ف الدنيا انها حبيتك او اختارتك دون عن غيرك ….
ربنا يبعد عنكو احساس الخيانة ويطبطب علي قلوب الي اتخانو ..