المحطة جريدة إليكترونية شاملة
سحر أبوالعلا
لسة ريحة الحيطان
بتحكي حكاياتنا القديمة
و السلالم و البيبان
مشتاقين لمسة ايدينا
لسة صوت عبد الحليم
في الراديو بينادي علينا
رغم اننا معدناش موجودين
لسة بيتنا القديم بيشتاق لينا
زي ما احنا مشتاقين لسنينا الجميلة
الله يجازيها الأيام فرقتنا
و اخدتنا من لمتنا
و عن احلامنا توهتنا
و على دنيا غريبة و رمتنا
لا لقينا روحنا و لا لقتنا
بندور علي ناس تشبهنا
يمكن نلاقي فيهم ملامحنا
و لا حاجة منهم تشبه ذكرياتنا
جوة حيطان بيتنا القديم
توهنا و اتسرسبت من بين ايدينا السنين.
