المحطة جريدة إليكترونية شاملة
بقلم : محمود السعيد عبد الهادي
في ناس نستني طعم الضحكة
وبات قلبي منها مجروح حزين
طول عمري بضربها كف علي كف
ومالقتش حد فيها سليم
وفي ناس عماله تصب في سقف
وأنا اللي ببني الحيطان بالطين
وفي ناس بتزرع بذور الورد
وغيرها بيعيشلوا ياعيني يومين
وفيها اللي مات من كتر الضحك
ولسه الدمع في عينه حزين
وفي ناس بتزيط في الرقص
وفيها اللي عاش يدوس في الطين
دا الدنيا مابقتش مستهلة
صراع وفراق وأنين
والكل ياعيني في غفلة
مش فارقه هتدوم لمين
يالي نستني طعم الضحكة
مشغول ليه بحياتي سنين
