المحطة جريدة إليكترونية شاملة
للشاعر أسامة عبد العزيز
كُنت دايمًا ناسي نفسي وفِكري فيكِ
كُل هَمّي بس ألمح طرف ضحكة من عنيكِ
عمري ما اتوقعت إنّي فـ وقت موتي
يبقى نَصل الدَبح واضح بين إيديــــكِ
كات دموعي نار جهنم لو تطول معدن يسيح
كان فـ روحي حرب دايرة من أثار قلبي الجريح
كان قساوتِك بالأدلّة واضحة بالمعنى الصريح
بس بردو صَلَبت طولي وقومت أصلّي وأدعي ليكِ
مش واجعني القسوة مِنِّـــــــــــك والتجَبُّر فـ الـدبيح
مش واجعني انّك قفلتِ بوابات كوني الفَسيح
مش واجعني انّك بَدرتي الخب بينا فـ وش ريح
كُل وجعي انّك خَذلتي وخُنتي حُبّي وثِقتي فيكِ-
ولله سلمت أمري فيك!
