المحطة جريدة إليكترونية شاملة
كتبت فاطمة السيد
وصف الفنان علاء مرسي نفسه بأنه أحد أعظم الفنانين في تاريخ مصر مؤكداً أن هذا ليس شعوراً بالغرور
وقال مرسي “: “ربنا مديني موهبة كبيرة جداً، أنا أدرى واحد بيها، عشان كدا بقول على نفسي من أعظم الفنانين في مصر”
وأضاف: “كل واحد عارف حجمه بالضبط، وأنا مش بتكلم بغرور، وأنا مؤمن بأنه في عظماء في مهنة التمثيل أنا واحد منهم، لكني غبي وجاهل إدارياً، مبعرفش أدير موهبتي”
وتابع مرسي: “محمد سعد، أحمد آدم، وكريم عبدالعزيز، من أكثر النجوم موهبة حالياً”
وأضاف قائلاً: “الأهواء الشخصية وعدم الاهتمام بالموهبة هو السبب، فبعض المخرجين، كانوا يرفضون أن أعمل معهم لأن زوجاتهم لا يحبونني
وفي أحد المواقف كنت أشارك في فيلم أعتبره حلم حياتي، لكن المنتج محمد حسن رمزي أخد مني الفيلم ومنحه لمحمد هنيدي، فروحت كسرت عليهم الاستوديو والديكور، فقالوا عليا مجنون، والفيلم متعملش أصلاً هنيدي كان موجود في اللوكيشن، ومكنش يعرف أن الفيلم دا بتاعي، عشان كدا متدخلش وأنا بتخانق عشان الفيلم”
وتابع : “كان عندي عشم كبير في محمد سعد، لكنه لم يلتفت لي، لكن اليوم طموحي تغير وليس لدي سوى حلم واحد أرغب في تحقيقه هو فيلم اسمه (الجوكر)، وخلاص مبقاش في حد يقدر يقف جنبي”.
