المحطة جريدة إليكترونية شاملة
بقلم الشاعر: محمود السعيد عبد الهادي
إيه حصلك يابورسعيد
كل يوم بنشوف فيك ضحية
وحكاية أغرب من الخيال
شباب جميل عمال يموت
وغيره عايش في إنحلال
والحياه أهي ماشيه عادي
واليمين أصبح شمال
شفتوا أم أمير بتصرخ
وعيونها دابت من الأحزان
والبياع علي الأرض واقع
والناس حياري كالعميان
كان زمان في كلمة حلوة
تشفي جرح وتطيبه كمان
مش لفظ خارج من لسان ملوث
يهز الشعور يأيد بركان
ومبقاش كمان في كبير بيصلح
بين أي خصم زي زمان
وخلاص سقط الأحترام مابينا
والبلطجة أصبحت سمة الأنسان
حتي الصديق ياخدك في حضنه
ومن وراك غدار جبان
وكل يوم حكاية جديدة
وراها شهيد وضحية كمان
وضاع الأمان يابلدي فيك
مع طعنة نافذة تصيب شريان
