المحطة جريدة إليكترونية شاملة
كتبت فاطمة السيد
كشفت الفنانة نيللي كريم عن كواليس مسلسل فاتن أمل حربي قائلة : الفكرة كانت لـ ماندو العدل وبعدها كتبه إبراهيم عيسى، وأنا مابقدمش قضية .. أنا مع فكرة تقديم عمل درامي يحتوي على أحداث وقصة جديدة وجيدة، ومن خلال القصة بيكون فيه قضية مش العكس، يعني مش بعمل قضية وبعدين أعمل الحدوتة، ولازم المشاهد يبقى مستمتع وهو بيتفرج
وأضافت : متخيلتش إن المسلسل يعمل الضجة الكيبرة دي، ومتابعتش ردود فعل الجمهور في أول أيام عرض المسلسل علشان كنت مركزة في التصوير، وبالنسبة لحالة الجدل فطبيعي تبقى موجودة، بس اللي فرحني فعلا إن ستات كتيرة بتقول دي قصتي
وتابعت : أكيد الرجالة مظلومة في قوانين معينة زي الستات، ولكن المسلسل بيعرض قصة نسائية وبالتالي المشاكل اللي بيطرحها المسلسل كانت نسائية أكتر، وأكيد نفسي نعدل القانون علشان يحكم بالعدل للراجل والست
وعن أصعب المشاهد التي واجهت نيللي في المسلسل قالت : مشاهد المحكمة كانت صعبة عليا، خاصة مشاهد المواجهة، وتأثرت بآخر مشهد في الحلقة الأخيرة من المسلسل.
