المحطة جريدة إليكترونية شاملة
بقلم محمود السعيد عبد الهادى
ماتسبش عمرك يجري منك
وتنام وتصحي علي حلم غار
خليك واثق من نفسك تملي
وخلي عدوك علي طول محتار
أنسف الماضي بجرائتك
وأرسم لنفسك جسور وأنهار
أفتح باب الأمل بعزيمتك
وأحفر بطاقتك من الصحرا أبار
ليه شايل من الماضي الهموم
واليأس عندك مافهوش ليه لوم
تحزن وتفضل للحظ تلوم
وتخاف كمان من صوت البوم
ولو مرة تضحك في وسط اليوم
بيرعبك صوت الواد حزلقوم
صفي نيتك لرب الكون
وماتبصش لغيرك مهما يكون
وأحمد ربك وأحسن بيه الظنون
دا الناس بتصرف علي التعب مليون
وأنت يدوب بتتعالج بمعلقة قرفة علي نص كمون
