المحطة جريدة إليكترونية شاملة
بقلم عائشة محمود
زينه حلمت حلم غريب.. حلمت بانها لابسه فستان ابيض حلو لأنها هي الي لبساه وكأنها عروسه كان في ناس كتير وكانت فرحانه وبوكيه الورد كان جميل لدرجه انه صعب يتوصف.. وصحيت من نومها على صوت خبط الباب قامت تفتح لقت” يُسر” و” حُسن” بيقولولها” صباح الفل عازمينك علي الفطار ف لو ينفع تيجي معانا” بابتسامه مليانه خجل منهم وقلق من انها ترفض طلبهم بس زينه علشان بطبعها اجتماعيه مردتش طلبهم وكان ردها عليهم ” لو هيكون في جبنه قديمه من الي بحبها معنديش مشكله ” ف ابتسموا وبصوا لبعض وقالوللها” عندنا متقلقيش” راحت زينه معاهم وهم بيفطروا مع بعض اخدت زينه بالها من مكتبه مكنتش موجوده امبارح لما راحتلهم وعرفت منهم ان ليهم اخ مسؤل عنهم بيحب القراءه وبيشتغل في مكان قريب من البيت وانه بيكون في البيت من بعد الساعه ١٠ تقريبا وان طول اليوم بيكونوا لوحدهم ولان زينه فضوليه بحكم شغلها عرفت عنهم حاجات كتير وبقت تقريبا تعرف كل حاجه عنهم من ان اهلهم متوفيين الي ان “يُسر” ضغطها واطي دايما وبيغمي عليها كتير ودايما قلقه الي حواليها وهم كمان عرفوا حاجات كتير عن زينه زي انها طفوليه وانها مقتنعه ان المشاكل والكوارث موجودين عند كل الناس بس الشاطر منهم الي بيعدي مشاكله من غير ما يبعد نفسه العفويه وان طبيعي المشاكل تغير فينا بس الي مش طبيعي اننا علشان في فتره قاسيه مرينا بيها احنا كمان نكون قاسيين لا نقسى على الي حوالينا ولا نقسى على نفسنا ولفت نظرهم اكتر نظرتها للحياه لما قالت” إن الحياه بتتشاف بعيون ناس كتيره علشان كده هتلاقي الي بيقول عليها صعبه وسهله تتحب او متتعش وان الحياه فيها كل حاجه وعكسها بس الي عنده القدره انه يشوف الملامح الحلوه والكلام الحلو والروح الحلوه في كل حاجه هيقدر يتعايش مع كل حاجه حتى لو الكل حاجه دي فيها الوحش وان النظره الي بتغنينا هي هي النظره الي مليانه رضا على الي اتكتب علينا “… الوقت عدى بسرعه واستاذنتهم علشان ده اخر يوم اجازه ولازم تعرف هي مسافره فين بكره من رئيس التحرير وروحت على بيتها وقالت هقرأ شويه واعرف بعدين المفروض اسافر فين بكره مسكت الاجنته وبدأت تقرأ” ازاي وجودك فيا غِير.. ازاي بقيتي موجوده رغم انك مش ملموسه.. ازاي بشوفك مع انك بعيده عن العين” قلبت الصفحه لقت “كل واحد بيشوف الحياه من وجهه نظره هو بس الحقيقه أنا شايف فيكي الحياه..” قلبت تاني لقت “مش عارف لحد امتى هفضل بهرب فيكي، مش عارف امتى بدأت احس انك بقيتي فيا لكن انا متاكد اني مش عايز في يوم اكون من غيرك.. ” سرحت ” زينه ” في الي قراته وفجأه…
يتبع
عائشه محمود
