المحطة جريدة إليكترونية شاملة
كتبت- بوسي عواد
كتبت فتاة تدعى نهال سليمان على حسابها الشخصي بموقع التواصل الاجتماعي فيسبوك أن الفنان أحمد سعد ضرب شابا بالقلم في بنزينة ومزق ملابسه
تقول نهال:
النهارده كنت في بنزينة امارات مصر جنب داون تاون و شوفت شاب صغير
في العشرينات كان معدي من ورا عربية BMW x5/6 بيضه و العربيه كانت بترجع بسرعه كانت هاتخبط الولد، فا الولد كرد فعل طبيعي قاله “خلي بالك وانت راجع يا حبيبي” و اتضح ان اللي كان راكب العربيه الفنان/البلطجي احمد سعد راح عليه و قاله “بتكلم مين كده يلا؟” فا الولد رد عليه قاله “يلا؟ بكلمك انت” و طبعاً الكلام ماجاش على هوا ولا على كرامة احمد سعد اللي ضرب الولد بالقلم قدام امه و اخته و الناس كلها في البنزينه و وقعه عالارض قدام عربيتي بالظبط و قطعله تيشرته، و كرد فعل طبيعي مني انا و اختي حاولنا نوقفه بالكلام فا رد علينا بشتايم قذره جداً و ابتسملنا و مشي بالعربيه.
الموقف ده بينلي قد ايه احنا بندي قيمه لاشخاص ماتستاهلش و بنسيبهم يعيشوا وسطينا عادي جداً.
تحديث: الشاب اللي البلطجي اعتدى عليه كلمنا و عرفنا منه انه رجعله و اعتذرله انه “ضربه” و الموضوع خلص.
بس بالنسبالي الموضوع ماخلصش و انا بحكي موقف شوفته و تم التعرض عليا انا و اختي فيه بالشتيمه، فا البوست هايفضل موجود لحد ما البلطجي ده ياخد عقابه
