المحطة جريدة إليكترونية شاملة
بقلم / عائشة محمود
دخلت زينه بعفويتها في كافيه “السعاده” وهي بتقول “صباح السعادة ياعم حسين” بس اتفجأت لما مالقتش عم حسين لقت الشاب الي كان معاها في القطر والي شافته في الندوه ومن مفجأتها ملامح وشها فضلت ثابته لا منها عارفه تبطل تبتسم ولا منها عارفه تكون ملامحها طبيعيه،
ابتسم الشاب وقالها”صباح الخير انا نور ” ف بتسلم وتبتسم وتقوله” انت كنت في ندوه امبارح صح” فقالها “اه كنت موجود هناك انا سمعت عنك من عم حسين من اول يوم شغل ليا هنا بس لما شوفتك امبارح في الندوه وفهمت انك رايحه لشغل مردتش اجي اسلم عليكي خصوصا اني مش عارف انتي عارفاني ولا لاء” ابتسمت زينه وقالت” انا كنت بشبه عليك كنت حاسه اني اعرفك لاني بفتكر الوشوش وبنسي الاسامي يعني لو قابلتني تاني ابقى عرفني بيك تاني انت كنت بتعمل ايه في الندوه؟ اسفه في العادي بسأل علشان شغلي وكده ” رد عليها وهو مبتسم” انا بحب القراءه عامتا وبحب اكتر تخصص علم النفس وعلم الاجتماع والتنمية البشريه والذاتيه ف كنت هناك علشان احضر الندوه بس حصلت حاجه واطريت ارجع امبارح ”
اتكسف زينه تسأله ايه الي خلاه يرجع وهو مطر وقالت لنفسها” لازم ابطل اخلي شغلي يأثر كده عليا انا مالي انا” بعدها قالتله”اكيد عم حسين بيجيب حاجات صح وحشتني القهوه بتاعته” رد عليها وقالها” عم حسين تعب وده الي خلاني ارجع علشان الشغل بس متقلقيش هو كويس حتى هو مكنش عايزني اقطع الاجازه بس انا الي اصريت علشان يرتاح ” شاف في ملامح زينه حزن وخضه وكانت اول مره يشوف الملامح دي كأنها طفله عينيها اتملت بدموع محبوسه وقتها فهم ان عم حسين شخص مهم ليها وان القهوه حجه كل يوم علشان تشوفه وعلشان يخليها تبتسم تاني قالها” اقولك على سر عم حسين لما حكالي عنك قالي انك مش بتحبي غير قهوته وده خلاني اتعلم القهوه كل يوم واشربه منها علشان اعرف وصلت لنفس الطعم بتاعه ولا لاء وبما ان هو مش موجود ممكن اعملها ليكي ولو طعمها مش حلو لما يرجع قوليله انها احلى من بتاعته علشان يخلي باله من صحته وميغبش تاني عن شغله
ايه رايك ” زينه علشان منمتش كويس بسبب السفر ووراها يوم طويل وافقت على أنها تشرب قهوه منه وبعد ثواني كانت القهوه جهزت اخدتها زينه ومشيت ولأول مره زينه محستش انها كانت مستعجله وهي بتكلم حد كان فضولها ليه كبير لدرجه انها اتأنت وهي معاه اتأخرت على شغلها ساعه ونص وهي بتشرب قهوتها حست انها قريبه من قهوه عم حسين
طلعت لمكتب رئيس التحرير “صباح الخير يا ريس الشغل عجبك ولا في اي تعليق عندك” رد عليها “الشغل حلو جدا والمصورين هناك بيغطوا باقي الحدث قوليلي في حاجه لفتت نظرك هناك دكتور مثلا ممكن نعمل معاه لقاء” في بالها افتكرت” نور ” لما سالها عن الندوه وبعدها قالتله”لا مافيش هم كلهم متميزين لو عايز تعمل معاهم لقاء سهل انا كتبت اسميهم ومعايا الداتا بتاعتهم لحظه هطلع الاجنته” بتفتح شنطتها اتفجأت لما…
يتبع
